उखु किसानका समस्या एक महिनाभित्र सम्बोधन गर्न उद्योग समितिको निर्देशन

Spread the love

काठमाडौं । संसदको उद्योग तथा वाणिज्य र श्रम तथा उपभोक्ता हित समितिले उखु किसानको समस्या एक महिनाभित्र सम्बोधन गर्न सरकारलाई निर्देशन दिएको छ । बिहीबार बसेको समितिको बैठकले उखु किसानको पारिश्रमिक लगायतका समस्या समाधानका लागि अन्य मन्त्रालयसँगको समन्वयमा एक महिनाभित्र समाधान गर्न उद्योग वाणिज्य तथा आपूर्ति मन्त्रालयलाई निर्देशन दिएको हो ।

रौतहटको श्रीराम सुगर मिल्सले उखु किसानलाई दिनुपर्ने बक्यौता नदिएपछि समिति यस बिषयमा लामोसमयदेखि सरोकारवाला निकायसँग छलफल गर्दै आएको थियो भने श्रीराम सुगर मिल्सका प्रतिनिधिहरुले मिल्स अन्तर्गत रहेको सम्पत्ति बिक्री बितरण गरेपछि किसानहरुको बक्यौत्ता भुक्तान गर्ने बताएको थियो ।

बैठकले हाल चाडपर्वका समय भएकाले सम्बन्धित मन्त्रालयले उखु किसान र मजदूरहरुलाई तत्काल राहतस्वरुप केही रकम भुक्तानी दिइसक्ने व्यवस्था मिलाउन समेत निर्देशन दिएको छ ।

बैठकमा उद्योग, वाणिज्य तथा आपूर्तिमन्त्री लेखराज भट्टले समस्यामा परेका चिनी मिलहरुलाइ सहूलियत दिन सके मिलले निरन्तरता पाउने बताए ।

रुग्ण भएका उद्योगहरुको सम्पति बिक्री बितरण गरे नेपालमा औद्योगिक क्षेत्र नै धरासयी हुने उनको भनाई छ । मन्त्री भट्टले किसानको समस्या समाधानका लागि सरकार प्रतिवद्ध रहेको जिकिर गरे ।

यसअघि उद्योगबाट पाउनुपर्ने ४१ करोड रुपैयाँ व्यवस्था मिलाइदिन किसानहरुले समिति समक्ष माग गरेका थिए । रौतहटको गरुडास्थित २६ वर्ष पुरानो श्रीराम सुगर मिल्स बर्सेनि घाटामा रहेको कारण देखाउँदै गोल्छा अर्गनाइजेसनले बन्द गर्ने निर्णय गरेको थियो । जसका कारण ३ सय २५ जना मजदुरको रोजगारी गुमेको छ भने किसानहरुले बर्षौदेखिको बक्यौता पाउन सकेका छैनन् ।

HT

Leave a Reply

Your email address will not be published. Required fields are marked *

Next Post

विश्वमा कोरोना संक्रमितको संख्या चार करोड ९० लाख नाघ्यो

२०७७ कार्तिक २०, बिहीबार १६:०९
Spread the loveविश्वमा कोरोना संक्रमितमध्ये तीन करोड ४९ लाखभन्दा बढी मानिस संक्रमणमुक्त भएका छन् । शुक्रबार बिहानसम्ममा तीन करोड ४९ लाख ७० हजार १६ जना संक्रमित कोरोना संक्रमणमुक्त भएका हुन् । त्यस्तै विश्वमा चार करोड ९० लाख पाँच हजार नौ सय १६ जनामा कोरोना संक्रमण भएको छ । संक्रमितमध्ये १२ […]