धरानमा थप दुई जना कोरोना संक्रमितको मृत्यु

Spread the love

धरान । कोरोना संक्रमणबाट धरानमा थप दुई जनाको मृत्यु भएको छ । मृत्यु हुनेमा धरान–९ बस्ने ६७ वर्षीया र वडा नं १६ की ८१ वर्षीया महिला छन् । उनीहरूको बीपी कोइराला स्वास्थ्य विज्ञान प्रतिष्ठानको कोभिड अस्पतालमा उपचारका क्रममा मृत्यु भएको हो ।

प्रतिष्ठानका सहप्रवक्ता डा. आशिष श्रेष्ठका अनुसार मधुमेह र मानसिक समस्या रहेकी धरान–९ की महिलालाई कात्तिक १८ गते कोभिड अस्पताल भर्ना गरिएको थियो । पीसीआर जाँच गर्दा कात्तिक १९ गते कोरोना पुष्टि भएकी उनको शुक्रबार बेलुकी साढे ६ बजे मृत्यु भएको अस्पतालले जनाएको छ ।

यसैगरी धरान–१६ की महिलालाई कात्तिक १९ गते कोरोना पुष्टि भएपछि कात्तिक २० गते कोभिड अस्पताल भर्ना गरिएको थियो । उच्च रक्तचापको समस्याबाट पीडित उनलाई भेन्टिलेटरमा राखेर उपचार गर्दागर्दै शनिबार बिहान २ बजे मृत्यु भएको प्रतिष्ठानले जानकारी दिएको छ । धरानमा कोरोना संक्रमणबाट हालसम्म ६८ जनाको मृत्यु भएको छ ।

HT

Leave a Reply

Your email address will not be published. Required fields are marked *

Next Post

ओलीलाई मनाउन अध्यक्ष प्रचण्डलगायत नेकपाका शीर्ष नेताहरु बालुवाटारमा

२०७७ कार्तिक २२, शनिबार ०३:४५
Spread the loveकाठमाडौँ । प्रधानमन्त्री एवं पार्टी अध्यक्ष केपी शर्मा ओलीलाई औपचारिक रुपमा सचिवालय बैठक आह्वानका लागि मनाउन नेकपाका बहुमत सचिवालय सदस्य प्रधानमन्त्री निवास बालुवाटार पुगेका छन् । पार्टी मुख्यालय धुम्बाराहीमा शुक्रबार बसेको पार्टीको अनौपचारिक सचिवालय बैठकको निर्णय अनुसार उनीहरु प्रधानमन्त्रीलाई मनाउन बालुवाटार पुगेका हुन् । कार्यकारी अध्यक्ष पुष्पकमल दाहाल, […]