आर्मीनीया, अजरबैजान र रुसबीच शान्ति सम्झौतामा हस्ताक्षर

Spread the love

विवादित नगोर्नो काराबाख क्षेत्रमा जारी सैन्य द्वन्द्व अन्त्य गर्न आर्मीनीया, अजरबैजान र रुसले सम्झौता गरेका छन् । शान्ति सम्झौता स्थानीय समय अनुसार मङ्गलवार १ बजेबाट लागू हुने बताइएको छ ।

अजरबैजान र आर्मीनीयाबीच छ हप्तादेखि चलेको युद्धपछि सहमति भएको हो । विवादित नगोर्नो काराबाख क्षेत्रलाई अन्तर्राष्ट्रिय रूपमा अजरबैजानको मानिन्छ तर त्यो क्षेत्र सन् १९९४ देखि आर्मीनीयाको जातीय समूहको नियन्त्रणमा छ ।

पछिल्लो सप्ताहान्तमा अजरबैजानका सुरक्षा फौजले उक्त क्षेत्रमा पर्ने सुसआ सहर नियन्त्रणमा लिन सफल भएको थियो। त्यो सहरलाई आर्मीनीयामा सुअसी भनिन्छ । नयाँ सम्झौताअनुसार युद्धका क्रममा नगोर्नो काराबाख क्षेत्रमा आफ्नो नियन्त्रणमा लिन सफल स्थान अजरबैजानले प्राप्त गर्नेछ । त्यसबाहेक अन्य केही क्षेत्रबाट समेत आफू फिर्ता हुन आर्मीनीयाले सहमति जनाएको छ ।

युद्धका क्रममा अजरबैजानले रुसको सैन्य हेलिकोप्टर खसालेको पनि स्वीकार गरेको छ । उक्त आक्रमणमा चालक दलका दुई सदस्यको मृत्यु भएको थियो भने एक जना घाइते भएका थिए ।

रुसी राष्ट्रपति भल्लादिमिर पुटिनले उक्त क्षेत्रमा रुसी शान्ति सेनाको उपस्थिति रहने जनाएका छन् । त्यसबाहेक सम्झौतामा युद्धबन्दी आदानप्रदान हुने र यातायात तथा आर्थिक सम्बन्ध पुनः स्थापित गरिने बताइएको छ ।

अजरबैजानका राष्ट्रपति इल्हाम अलियभले उक्त सम्झौतालाई द्वन्द्व समाधानको एउटा महत्वपूर्ण अवस्था बताएको रोयटर्स समाचार संस्थाले जनाएको छ ।

तर सामाजिक सञ्जालमा आर्मीनीयाका प्रधानमन्त्री निकोल पाशिनियानले भने विवादित नगोर्नो काराबाख क्षेत्रमा युद्ध अन्त्य गर्न अजरबैजान र रुससँगको सम्झौता “आफ्ना र आफ्ना देशका सर्वसाधारणहरूका लागि अत्यन्तै पीडादायी“ रहेको बताएका छन् ।

HT

Leave a Reply

Your email address will not be published. Required fields are marked *

Next Post

गण्डकी प्रदेशमा थप ६१ जनामा कोरोना संक्रमण

२०७७ कार्तिक २५, मंगलवार ०६:३७
Spread the loveकाठमाडौं । गण्डकी प्रदेशमा थप ६१ जनामा कोरोना संक्रमण पुष्टि भएको छ । कास्की, बागलुङ, स्याङ् र गोरखामा गरी थप ६१ जनामा संक्रमण पुष्टि भएको हो ।