आठ जना शिशु हत्याको अभियोगमा वेलायतका एक नर्स पक्राउ

Spread the love

वेलायतको चेस्टर अस्पतालकी एक नर्समाथि आठ जना शिशुको हत्या गरेको र अन्य १० शिशुको हत्या गर्ने प्रयास गरेको आरोप लगाइएको छ । ३० वर्षीया लुसी लेटबीलाई यसअघि पनि सन् २०१८ र सन् २०१९ मा छानबिनका लागि पक्राउ गरिएको थियो ।

उनीमाथि लगाइएका आरोपहरू २०१५ जुनदेखि २०१६ जुनसम्म अस्पतालमा भएका घटनाहरूसँग सम्बन्धित छन् । हेरफर्डकी लेटबीलाई वरिङ्गट म्याजिस्ट्रेट अदालतमा बिहीवार पेस गरिनेछ । सन् २०१७ मा सुरु भएको अनुसन्धानका क्रममा प्रहरीले उनलाई मङ्गलवार पक्राउ गरेको हो ।

प्रहरीले जारी गरेको एउटा विज्ञप्तिमा भनिएको छः ‘द क्राउन प्रोसीक्यूसन सर्भिसले चेस्टर अस्पतालमा कैयौँ बच्चाहरूको मृत्युको बारेमा गरिएको अनुसन्धानका क्रममा स्वास्थ्य सेवामा कार्यरत अधिकारीलाई हत्यासम्बन्धी अभियोग लगाउन प्रहरीलाई अधिकार दिएको छ।’

प्रहरीले मङ्गलवार घटनामा संलग्न सबै शिशुका अभिभावकहरूलाई पछिल्लो घटनाबारे पूर्णरूपमा जानकारी गराइएको र उनीहरूलाई प्रहरी अधिकारीहरूले सहयोग गरिरहेको बताएको थियो ।

HT

Leave a Reply

Your email address will not be published. Required fields are marked *

Next Post

मेलम्चीको पानी काठमाडौंमा ल्याउने चार दशक लामो सपना कार्यान्वयन नजिक

२०७७ कार्तिक २७, बिहीबार ०७:२५
Spread the loveसूर्य थापा । १. राष्ट्रिय गौरवको मेलम्ची खानेपानी आयोजना पूरा हुने अन्तिम चरणमा पुगेको छ । सिन्धुपाल्चोकको मेलम्ची खोलाको पानी काठमाडौंको सुन्दरीजल ल्याई राजधानीबासीलाई स्वच्छ र स्वस्थ खानेपानी वितरणको सपना कुनै अन्यथा परिस्थिति सिर्जना गरिएन भने नयाँ बर्ष २०७८ को आगमनअघि नै व्यवस्थित रूपमा उपभोक्ताले आआफ्नो घर र […]