नेपालगन्जस्थित सीमा क्षेत्रमा एकीकृत भन्सार जाँच चौकीको शिलान्यास

Spread the love

नेपालगंज । नेपालगन्जस्थित नेपाल भारत सीमा क्षेत्रमा एकीकृत भन्सार जाँच चौकी (आइसीपी) निर्माणका लागि शिलान्यास गरिएको छ । बिहीबार काठमाडौंबाट शहरी विकासमन्त्री कृष्णगोपाल श्रेष्ठ र नयाँ दिल्लीबाट भारत सरकारका बाणिज्य तथा उद्योगमन्त्री पियुष गोयलले भर्चुअल माध्यमबाट एकीकृत जाँच चौकी नेपालगंजको शिलान्यास गरेका हुन् ।

उक्त जाँच चौकी भारत सरकारको आर्थिक अनुदानमा निर्माण हुन लागेको हो । आइसीपीका लागि नेपाल सरकारले भारतको रुपैडिया नाकासँग जोडिएको साढे ९० बिघा जग्गा अधिग्रहण गरी तारवार गर्नुका साथै सुरक्षा पोष्ट समेत स्थापना गरिसकेको छ ।

भारत सरकारको सहयोगमा २ अर्ब ३५ करोड रुपैयाँ लागतमा आइसीपी निर्माण हुनेछ । निर्माण २ वर्षमा पुरा गर्ने लक्ष्य राखिएको छ ।
एकीकृत भन्सार जाँच चौकी निर्माण भएपछि मालवाहक सवारीसाधन जाँचपासमा सहज हुनुका साथै क्वारेन्टाइन, अध्यागमन, खाद्य प्रविधि लगायतका काम छिटो र व्यवस्थित हुने मन्त्री श्रेष्ठले बताए ।

एकीकृत भन्सार जाँच चौकी परिसरमा भन्सार कार्यालयका साथै पशु क्वारेन्टाइन, अध्यागमन, बैंक, खाद्य प्रविधि, प्लान्ट क्वारेन्टाइन लगायत कार्यालयका साथै एक हजारभन्दा बढी मालबाहक ट्रक पार्किङ गर्ने याडसमेत निर्माण हुनेछन् ।

आइसीपी निर्माणमा ढिलाइ हुँदा अहिले सडकको दुबै किनारामा मालबाहक गाडी राखेर भन्सार जाँच पास हुँदै आएको छ । भारतले नेपालगन्जसंग सीमा जोडिएको रुपैडियामा २०७५ पुस ३० गतेदेखि नै भन्सार जाँच चौकी निर्माण गरिरहेको छ ।

 

HT

Leave a Reply

Your email address will not be published. Required fields are marked *

Next Post

अमेरिका, बेलायत र दक्षिण अफ्रिकाका लागि प्रस्तावित तीनै राजदूतको नाम संसदीय सुनुवाई समितिबाट अनुमोदन

२०७७ कार्तिक २७, बिहीबार १४:०६
Spread the loveकाठमाडौं । संसदीय सुनुवाई समितिले अमेरिका, बेलायत र दक्षिण अफ्रिकाका लागि प्रस्तावित राजदूतहरूको नाम अनुमोदन गरेको छ । बिहीबार बसेको समितिको बैठकले अमेरिकाका लागि प्रस्तावित राजदूत डा. युवराज खतिवडा, बेलायतका लागि प्रस्तावित राजदूत लोकदर्शन रेग्मी र दक्षिण अफ्रिकाका लागि प्रस्तावित राजदूत निर्मलकुमार विश्वकर्माको नाम सुनुवाईपछि अनुमोदन गरेको हो […]

समाचार छुट्याे की?