• Sat. Dec 5th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कोरोना संक्रमणबाट विश्वमा मृत्यु हुनेको संख्या १३ लाख नाघ्यो

ByHT

Nov 14, 2020
Spread the love

विश्वभर महामारीको रुपमा फैलिएको कोरोना भाइरसको संक्रमणबाट मृत्यु हुनेको संख्या १३ लाख नाघेको छ । पछिल्लो २४ घण्टामा थप नौ हजार ८ सयभन्दा बढीको मृत्यु भएसँगै मृतकको संख्या १३ लाख ९ हजार ४०८ पुगेको हो ।

चीनको वुहानबाट गएको वर्ष डिसेम्बरमा सुरु भएको कोरोना भाइरसबाट हालसम्म विश्वभर पाँच करोड ३७ लाख ४६ हजार ७०८ जनामा कोरोना संक्रमण पुष्टि भइसकेको छ । तीमध्ये ३ करोड ७५ लाख कोरोनामुक्त भएका छन् ।

संक्रमितमध्ये एक करोड ४९ लाख १५ हजार बढी उपचाररत छन् भने १ लाख ९ हजार भन्दा बढीको अवस्था गम्भीर रहेको छ । यस्तै, कोरोना संक्रमणबाट मृत्यु हुनेको संख्या सबैभन्दा धेरै अमेरिकामा रहेको छ । पछिल्लो २४ घण्टामा एक हजार ३६८ जनाको मृत्यु भएसंगै मृतकको संख्या दुई लाख ४९ हजार ९७५ पुगेको छ। १ करोड १० लाखभन्दा धेरै व्यक्ति सङ्क्रमित भएका छन् ।

सङ्क्रमितमध्ये ६७ लाख ८८ हजार व्यक्ति संक्रमणमुक्त भएका छन् । पछिल्लो २४ घण्टामा १ लाख ८३ हजार ५२७ जनामा संक्रमण देखिएको छ । त्यसैगरी छिमेकी मुलुक भारतमा हालसम्म ८७ लाख ७३ हजार भन्दा बढी मानिस कोरोनाबाट संक्रमित भएका छन् । संक्रमितमध्ये एक लाख २९ हजार २ सय बढीको मृत्यु भइसकेको छ भने हालसम्म ८१ लाख ६१ हजार बढी निको भइसकेका छन् ।

HT

Leave a Reply

Your email address will not be published. Required fields are marked *