• Fri. Nov 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

महात्मा गान्धीको घडी १२ हजार पाउन्डमा लिलामी

ByHT

Nov 22, 2020
Spread the love

कुनै समय महात्मा गान्धीले लगाएको घडी १२ हजार पाउन्डमा बिक्री भएको छ । चाँदीको जलप भएको स्वीस घडी अहिले घडीको स्वामित्व भएका व्यक्तिको हजुरबुवालाई गान्धीले सन् १९४४ मा उनको समर्पणका लागि धन्यवाद स्वरूप दिएका थिए । लिलामीकर्ता एन्ड्र्यू स्टोले शुक्रवार इस्ट ब्रिस्टल अक्सनमा १० हजार पाउन्ड प्राप्त गर्ने आशा राखेका थिए ।

स्टोका अनुसार घडी किन्ने व्यक्ति अमेरिकाका एकजना निजी सङ्कलक हुन् । यसअघि गान्धीले लगाएको ठानिएको चस्माको लिलामी भएको थियो । गत अगस्टमा लिलामी भएको उक्त चस्मा २ लाख ६० हजार पाउन्डमा बिक्री भएको थियो ।

स्टोले विगतका केही महिना रफ्तारपूर्ण भएको र घडीको बिक्री अर्को राम्रो परिणाम भएको बताए । उक्त घडी कुनै बेला गान्धीका समर्थक रहेका सिकर्मी मोहनलाल शर्माको थियो ।

सन् १९३६ मा, उनी नागरिक अधिकारवादी नेता गान्धीलाई भेट्न र उनलाई सघाउन गएका थिए । त्यतिबेला उनको समर्पणका लागि धन्यवादस्वरूप गान्धीले सन् १९४४ मा आफ्नो घडी दिएका थिए ।

HT

Leave a Reply

Your email address will not be published. Required fields are marked *