मुलुकभर एकैपटक ३९६ आधारभूत अस्पताल निर्माणको काम सुरु

Spread the love

काठमाडौं । सरकारले मुलुकभर एकैपटक ३९६ आधारभूत अस्पताल निर्माण कार्य शुरु गरेको छ । सात प्रदेशका ७५३ स्थानीय तहलाई समेटेर स्वास्थ्य तथा जनसंख्या मन्त्रालयले ५, १० र १५ शैय्याका ३९६ आधारभूत अस्पताल निर्माण शुरु गरेको हो ।

अस्पताल निर्माणका क्रममा सोमबार ललितपुरको गोदावरी नगरपालीका अन्तर्गत बज्रवाराहीमा १५ शैयाको अस्पताल निर्माणको शिलान्यास गरिएको छ ।

अर्थमन्त्री विष्णु पौडेलले बज्रवाराही चापागाउँ अस्पतालको शिलान्यास गरेका हुन् । सो क्रममा मन्त्री पौडेलले जनताको आधारभूत स्वास्थ्य अधिकार प्रत्याभूत गर्नका लागि देशभर नै अस्पताल निर्माण गर्न लागिएको बताए । उनले स्थानीय तहको माग र आवश्यकताका आधारमा अस्पताल निर्माण शुरु गरिएको जानकारी दिए ।

मन्त्री पौडेलले देशभर निर्माण हुने अस्पतालमा बजेट अभाव हुन नदिने पनि स्पष्ट पारे । सोमबार सम्ममा ३ सय भन्दा बढी भवनको शिलान्यास भइसकेको छ । अन्य स्थानमा छिटै प्राविधिक समस्या समाधान गर्दै अस्पताल निर्माण सुरु गरिने जानकारी उनले दिए ।

त्यस्तै मन्त्री पौडेलले वर्तमान सरकारलाई जनमत प्राप्त सरकार भएकाले पाँच बर्षसम्म ढुक्कले काम गर्ने दावी गरे । जनताको आधारभूत आवश्यकतालाई परिपूर्ति गर्दै मुलुकलाई बिकासको बाटोमा लैजाने काम वर्तमान सरकारले गरेको उनले बताए ।

सरकारको योजना अनुसार प्रदेश १ मा ८६, प्रदेश २ मा ५३, प्रदेश ३ मा ५१, प्रदेश ४ मा ५३, प्रदेश ५ मा ५७, प्रदेश ६ मा ४२, र प्रदेश ७ मा ५४ रहनेछन् । यही आर्थिक वषभित्र सम्पन्न गर्ने लक्ष्य राखिएको अस्पताल भवन निर्माणको कुल बजेट ५८ अर्ब छ ।

HT

Leave a Reply

Your email address will not be published. Required fields are marked *

Next Post

पशुपतिनाथ मन्दिर पुस १ गतेदेखि भक्तजनका लागि खुला गरिने

२०७७ मंसिर १५, सोमबार ११:२०
Spread the loveकाठमाडौं । गत चैतदेखि बन्द रहेको पशुपतिनाथ मन्दिर आगामी पुस १ गतेदेखि भक्तजनका लागि खुला गरिने भएको छ । भौतिक दूरी कायम गरी स्वास्थ्य सुरक्षाका विधि अपनाएर पुस १ गतेदेखि मन्दिर खोल्ने निर्णय गरिएको पशुपति क्षेत्र विकास कोषले जनाएको छ । पुस १ गतेदेखि मन्दिर छिर्न चाहने भक्तजनले […]