काठमाडौं । महान्यायाधिवक्ता अग्नि खरेलले पाँच वर्षको कार्यकाल पूरा गर्न पाउनु वर्तमान सरकारको अधिकार भएको तर पूरा गर्न नदिइएपछि निर्वाचनमा जान लागिएको बताएका छन् । प्रतिनिधिसभा विघटनविरुद्ध परेको रीट निवेदनमाथिको सोमबार बहस गर्दै उनले संविधानमा यो विषय पनि हेर्न इजलाससमक्ष आग्रह गरे ।
प्रतिनिधिसभा विघटनविरूद्वको रिट निवेदनमाथि चौधौँ दिनको सुनुवाइमा सरकारको प्रतिरक्षा गर्दै सरकारका प्रमुख कानूनी सल्लाहकार खरेलले प्रधानमन्त्रीसँग बहुमत भएकाले पाँच वर्षको कार्यकाल भएपनि निर्वाचनमा जान सक्ने तर्क राखे । विघटनविरुद्ध कुनै पनि राजनीतिक दलबाट निवेदन नहालिएको जनाउँदै उनले यस सम्बन्धमा संविधानका सबै धारा हेरी अदालतले व्याख्या गर्नुपर्ने माग गरे ।
वर्तमान प्रधानमन्त्री सबैले स्वीकारेको प्रधानमन्त्री भएको जनाउँदै उनले ठूलो पार्टीको हैसियतले अन्य देशमा पनि भएको चलनअनुसार सरकार प्रमुखले प्रतिनिधिसभा विघटन गर्न पाउने जिकिर गरे ।
विगतमा आफूले बहुमतको प्रधानमन्त्री तथा पार्टी एवं सरकारले संसद् विघटन गर्न नसक्ने भनेर दिएको अभिव्यक्ति इजलासमा सुनुवाइका क्रममा उठेको भए पनि आफू अहिले सरकारको कदमको रक्षार्थ उभिएको उनले बताए । उनले संवैधानिक भूमिकामा रहेकाले आफू प्रधानमन्त्रीले चालेको कदमको पक्षमा बहस गर्न आएको बताए । रिट निवेदकका तर्फबाट आइतबार बहस सकिएपछि आजदेखि सरकारी पक्षबाट बहस शुरू भएको हो । बहस जारी छ ।
के गर्नु नुनकाे साेझाे त गर्नै पर्याे नी, खरेल जी