निर्वाचन केन्द्रित सुरक्षामा ध्यान दिन आइजिपी क्षेत्रीको निर्देशन

Spread the love

काठमाडौं । नेपाल प्रहरीको जनपद तथा प्राविधिकतर्फको विभिन्न पदमा पदोन्नति भएका ३१ प्रहरी अधिकृतलाई दर्ज्यानी चिन्ह प्रदान गरिएको छ । प्रहरी प्रधान कार्यालयमा आयोजित विशेष समारोहमा प्रहरी महानिरीक्षक शैलेश थापा क्षेत्रीले उनीहरुलाई दज्र्यानी चिन्ह प्रदान गरेका हुन् ।

दर्ज्यानी चिन्ह प्राप्त गर्नेमा प्रहरी नायब उपरीक्षकबाट प्रहरी उपरीक्षक पदमा पदोन्नति भएका १५, प्राविधिक प्रहरी नायब उपरीक्षकबाट प्राविधिक प्रहरी उपरीक्षक पदमा पदोन्नति भएका एक र प्राविधिक प्रहरी नायब उपरीक्षक पदमा १५ गरी ३१ जना प्रहरी अधिकृत छन् । गृह सचिवस्तरको २०७७ माघ २१ गतेको निर्णयअनुसार उनीहरु पदोन्नति भएका थिए ।

सोही निर्णयानुसार प्रहरी नायब उपरीक्षकबाट प्रहरी उपरीक्षक पदमा पदोन्नति भएका एक अधिकृत भने हाल सुडान डार्फरस्थित एफपियु मिसनमा छन् ।

उक्त समारोहमा प्रहरी महानिरीक्षक थापा क्षेत्रीले पदोन्नति भएका प्रहरी अधिकृतलाई बधाई दिँदै नयाँ जिम्मेवारीलाई थप सजगता र सतर्कताका साथ कार्य सम्पादन गर्न निर्देशन दिए । नेपाल सरकारद्वारा घोषित निर्वाचनप्रति संवेदनशील भई सुरक्षालाई थप मजबुत बनाउनतर्फ केन्द्रित हुन पनि प्रहरी अधिकृतलाई आग्रह गरे ।

नागरिकसँगको सहकार्यमा प्रहरीले असल भावका साथ कार्य सम्पादन गर्नुपर्ने चर्चा गर्दै उनले आचरण एवं व्यवहारमा प्रहरी सदैव संवेदनशील हुनुपर्ने बताए । सङ्गठनले अंगिकार गरेको नीति तथा प्रणालीप्रति सबै प्रहरी कर्मचारी पदीय दायित्वअनुसार ऐक्यबद्ध भई अगाडि बढ्नुपर्नेमा उनले जोड दिए।

पदोन्नति भएका प्रहरी अधिकृतको तर्फबाट बोल्दै प्रहरी उपरीक्षक ऋषिराम कँडेलले सङ्गठनले लिएको उद्देश्य प्राप्तिका लागि सदैव ऐक्यबद्ध भई नयाँ ऊर्जाका साथ काम गर्ने प्रतिबद्धता व्यक्त गरे ।

HT

Leave a Reply

Your email address will not be published. Required fields are marked *

Next Post

सैनिक मुख्यालमा ‘एकीकरण मार्गः बृहत् सेमिनार’ शुरु

२०७७ माघ २२, बिहीबार १४:२८
Spread the love  काठमाडौं । घरेलु तथा साना उद्योगलाई ऋण प्रवाहमा सहजीकरण गर्ने उद्देश्यले नेपाल उद्योग वाणिज्य महासङ्घ र नेपाल बैकर्स एशोसिएसनबीच सहमति भएको छ । महासङ्घका अध्यक्ष शेखर गोल्छा र बैंकर्स एशोसिएसनका अध्यक्ष भुवनकुमार दाहालबीच महासङ्घको सचिवालयमा भएको औपचारिक भेटवार्तामा सहमति भएको हो । महासङ्घको घरेलु तथा साना उद्योग […]