अदालतले विना भय संविधानसम्मत निर्णय गरोस्: गगन थापा

Spread the love

काठमाडौं । नेपाली कांग्रेसका नेता गगन थापाले संसद विघटनसम्बन्धी मुद्दामा सर्वोच्च अदालतलाई विना भय संविधानसम्मत निर्णय गर्न आग्रह गरेका छन् । शनिबार राति सामाजिक संजाल फेसबुकमार्फत कसैको धम्की र भय नमानी संविधानसम्मत निर्णय गर्न आग्रह गरेका हुन् । उनले न्यायमूर्तिले मान्छेको संख्या हेर्ने नभई संविधानको धारा हेर्ने बताएका छन् ।

प्रधानमन्त्री केपी शर्मा ओलीले शनिबार विराटनगरमा आयोजित सभालाई सम्बोधन गर्दै सर्वोच्चले फैसला गर्नुअघि देशभर भएका यस्ता सभा सम्मेलन हेरोस् भन्ने अभिव्यक्ति दिएका थिए ।

थापाले लेखेका छन्, ‘न्यायमूर्तिले हेर्ने मान्छेको संख्या होइन संविधानको धारा हो । अदालतले विना भय संविधानसम्मत निर्णय गरोस् । प्रधानमन्त्रीले सत्ता उन्मादमा शक्तिको दुरुपयोग गरेर देखाएको भिड नाप्ने जिम्मा जनताको हो । स्मरण रहोस् ! सत्तामा हुँदा आफूलाई हेर्न आएका भिडको भ्रम कुनै वेला महाराजलाई पनि थियो त !’

त्यस्तै विराटनगरमा आयोजित सभालाई सम्बोधन गर्दै प्रधानमन्त्री ओलीले कुनै सेटिङबाट जनताको विपक्षमा फैसला आए आफूहरुको आन्दोलन अगाडि बढ्ने बताएका थिए । उनले फैसला गर्नुअघि देशभर भइरहेका यस्ता सभा सम्मेलनमा सर्वोच्चले ध्यान दिने आफूलाई विश्वास लागेको बताए । उनले भने, ‘कुनै सेटिङ र तिकडम गरी देश र जनताको विपक्षमा फैसला हुन्छ भने हाम्रो आन्दोलन फेरि पनि अगाडि बढ्छ र त्यस्ता शक्तिलाई पराजित गर्छौ।’

HT

Leave a Reply

Your email address will not be published. Required fields are marked *

Next Post

‘मुख्यमन्त्री कप’ गण्डकी प्रदेशस्तरीय भलिबलको उपाधि म्याग्दी र तनहुँलाई

२०७७ फाल्गुन ८, शनिबार २२:३८
Spread the loveपोखरा । पोखरामा सञ्चालन भएको ‘मुख्यमन्त्री कप’ गण्डकी प्रदेशस्तरीय महिला तथा पुरुष भलिबल प्रतियोगिताको उपाधि महिलातर्फ म्याग्दी र पुरुषतर्फ तनहुँले जितेका छन् । पोखरा रङ्गशालास्थित ‘भलिबल कोर्टमा’ शनिबार सम्पन्न खेलमा महिलातर्फ राष्ट्रिय टोलीका कप्तान अरुणा शाहीको कप्तानीमा रहेको म्याग्दी जिल्लाले पर्वतलाई सोझो सेटमा पराजित गर्दै उपाधि चुमेको हो […]

समाचार छुट्याे की?