मेलम्ची खानेपानी आयोजनाको सुरूङ परीक्षण सुरु

Spread the love

मेलम्ची । मेलम्ची खानेपानी आयोजनाको सुरूङ परीक्षण गरिएको छ । सुरूङमा सोमबार पानी राखेर परीक्षण सुरू गरिएको हो । सोमबार सुरूङ स्थलमा पुगेर खानेपानी मन्त्री मणि थापाले कन्ट्रोल कक्षको स्वीच थिचेर सुरूङ परीक्षणको सुरू गरेका हुन् ।

प्रतिसेकेन्ड २६० लिटरका दरले सुरूङमा पानी प्रवाह गरिएको आयोजनाले जानकारी दिएको छ । सुरूङ भरिन करिब १६ दिन लाग्ने प्राविधिकले बताएका छन् । परीक्षण अवधि दुई महिनाको हुने आयोजनाले जनाएको छ ।

आयोजनाले पहिलो चरणमा सुन्दरीजलमा दैनिक १७ करोड लिटर पानी प्रशोधन गर्ने प्रशोधन केन्द्र निर्माण गरिसकेको छ । सुरूङमा पानी राखिएकोले मेलम्ची नदी, अडिट टनेल रहेको सिन्धु, ग्याल्थुम पानी बहाव क्षेत्रहरु साथै बाग्मती नदीमा कुनै पनि बेला पानीको बहाब बढ्नसक्ने भएकाले आसपासका खोलानाला र नदी किनारमा जानुपर्दा विशेष सावधानी अपनाउन आयोजनाले आग्रह गरेको छ । गत असारमा पनि सुरूङमा पानी राखेर परीक्षण गरिएको थियो । त्यसबेला दुर्घटना हुँदा दुई जनाको मृत्यु भएको थियो ।

HT

Leave a Reply

Your email address will not be published. Required fields are marked *

Next Post

अनेरास्ववियूद्वारा 'प्रतिगमनलाई जुत्ता' प्रहार

२०७७ फाल्गुन १०, सोमबार १५:४४
Spread the loveकाठमाडौं । नेकपाको प्रचण्ड–नेपाल समूह निकटको अनेरास्ववियूले ’प्रतिगमनलाई जुत्ता’ हान्ने कार्यक्रम आयोजन गरेको छ । अनेरास्ववियुले सोमबार नारायणहिटी दरबार संग्रहालयअघि संसद् विघटनको विरोधमा प्रतिगमनलाई जुत्ता हान्ने कार्यक्रम गरेको हो । नारायणहिटी संग्रहालयअघि प्रतिगमनको प्रतीक बनाई जुत्ता हान्ने कार्यक्रम गरिएको अनेरास्ववियुका सहसंयोजक रञ्जित तामाङले जानकारी दिए । उनले सत्ता […]