प्रतिक्रान्तितिर जाने हो भने त्यसविरूद्ध क्रान्तिको झण्डा उठ्छः प्रचण्ड

Spread the love

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सरकार परिवर्तनको विषयलाई टुंगोमा पुर्याउने विषयमा छलफल भइरहेको बताएका छन् । बिहीबार सुर्खेतमा कर्णाली प्रदेशस्तरीय महिला नेता/कार्यकर्ताको भेलालाई सम्बोधन गर्दै अध्यक्ष प्रचण्डले छिट्टै त्यसलाई निष्कर्षमा पुर्याइने बताएका हुन् । उनले त्यसका लागि आज काठमाडौंमा महत्वपूर्ण छलफल हुने बताए ।

उनले भने, ‘अहिले नै सबै कुरा राख्न त भ्याउँदिन, अहिले नै नेपालगञ्ज हुँदै काठमाडौं फर्किनुपर्ने छ । भरे काठमाडौंमा महत्वपूर्ण मिटिङ छ । तपाईंहरूलाई थाहा छ सरकार परिवर्तनको छलफल चलिरहेको छ, त्यसलाई टुंगोमा पुर्याउनुपर्ने छ ।’

अध्यक्ष प्रचण्डले मुलुकमा प्रतिक्रान्तिको खतरा अझै कामय रहेकाले फेरि नयाँ क्रान्ति र आन्दोलन अगाडि बढाइने बताए । उनले आन्दोलन, नीति, योजना र कार्यक्रम बनाउनका लागि दस्तावेज लेखनमा लागेको जानकारी दिए ।

फेरि नयाँ क्रान्ति र नयाँ आन्दोलन अगाडि बढाउने तथा नयाँ अभियान लिएर जाने जमर्को गरिरहेको उनले बताए । उनले प्रतिक्रियावादीहरूले हेप्न थालेको र उपलब्धि खोस्न खोजेको पनि बताए । अध्यक्ष प्रचण्डले प्रतिक्रान्तितिर जाने हो भने त्यसविरूद्ध क्रान्तिको झण्डा उठ्ने बताए ।

उनले भने, ‘प्रतिनिधिसभाको असंवैधानिक विघटन गर्ने काम प्रधानमन्त्रीबाट भयो । अझै पनि प्रतिक्रान्तिका खतरा कायम छन् । यो क्रान्तिलाई बालुवाटारमा बालुवा पेलेर बचाउन सकिएन । काठमाडौंको घेराबन्दीलाई चिर्ने ताकत चाहिँ श्रमजीवी जनताबाहेक कसैसँग छैन ।’

HT

Leave a Reply

Your email address will not be published. Required fields are marked *

Next Post

लाइसेन्स बिक्री गरेको अभियोगमा अख्तियारद्वारा १९ कर्मचारीविरुद्ध भ्रष्टाचार मुद्दा दायर

२०७७ चैत्र २६, बिहीबार १७:२०
Spread the loveकाठमाडौं । अख्तियार दुरुपयोग अनुसन्धान आयोगले नेपालगञ्जको भेरी यातायात व्यवस्था कार्यालयबाट सवारी चालक अनुमतिपत्र बिक्री गरी गैरकानूनीरुपमा रकम आर्जन गर्ने १९ कर्मचारीविरुद्ध विशेष अदालतमा मुद्दा दायर गरेको छ । आयोगले बिहीबार उनीहरुविरुद्ध विशेष अदालतमा मुद्दा दायर गरेको हो । तत्कालीन कार्यालय प्रमुख तथा परीक्षा समितिका अध्यक्ष पवन सुवेदीले […]

समाचार छुट्याे की?