जोर्डनी राजा र राजकुमार हमजा एकै स्थानमा सार्वजनिक

Spread the love

जोर्डनका राजा अब्दुल्लाह र उनका सौतेनी भाइ राजकुमार हमजा आइतवार एकैस्थानमा बसेको दृष्यलाई जोर्डनका सञ्चारमाध्यमले महत्वका साथ सम्प्रेषण गरेका छन् ।

यसलाई जोर्डनको दरबार विवादपछिको मिलनविन्दुको खोजी गर्ने प्रयासका रूपमा राज्य सञ्चालित टेलिभिजनले देखाएका छन् । राजकुमारसँगको दरबारको विवादको कारण उनीहरूको पहिलो संयुक्त उपस्थितिलाई महत्वपूर्ण मानिएको हो ।

राज्यको स्थापना भएको १०० औं वार्षिकोत्सवको अवसरमा यी दृश्यहरूमा राजपरिवारका प्रमुख सदस्यहरूको एउटा समूहलाई राजपरिवारका पूर्वजहरूलाई गाडिएको एक समाधिस्थलमा देखाइएको हो ।

दरबारको ट्वीटर अकाउन्टले उक्त समूहको तस्वीरमा राजा अब्दुल्लाह दोस्रो, युवराज अल हुसेन र हम्जा बिन अल हुसेनलगायतलाई दिवंगत राजा अब्दुल्लाह प्रथमको समाधिमा भन्ने शीर्षकमा प्रकाशित गरेको छ । उक्त तस्बीरमा सिंहासनका उत्तराधिकारी हुसेनबाहेक सबै सादा पोशाकमा रहेका भएपनि हुसेनले भने सैन्य पोशाक लगाएको देख्न सकिन्छ ।

जोर्डनले आइतवार युद्धबाट स्वतन्त्र भएको सयौँ वर्ष मनाउने तयारी गरिरहेपनि कमजोर साधनस्रोत भएको मानिने यस मुलुकमा दरबारको विवाद र कोरोनाभाइरस महामारीका कारण उत्सवहरू ओझेलमा परेका छन् ।

अर्थात् यस वर्ष कुनै औपचारिक समारोहहरू भएनन् । सरकारले सन् २००४ मा अब्दुल्लाह प्रथमका छोरा हुसेनको पक्षमा सिंहासनको उत्तराधिकारीको रूपमा रहेका पूर्व राजकुमार हमजालाई ‘राज्यको सुरक्षा अस्थिर’ गर्ने षडयन्त्रमा संलग्न भएको आरोप लगाउँदै उनलाई दरबारबाहिर जानबाट रोक लगाएको हमजाद्वारा हालै सार्वजनिक एक अडियोमा उल्लेख गरिएको थियो ।

हालैमात्र हमजाका सहयोगी रहेको आरोपमा विभिन्न १६ व्यक्तिलाई पक्राउ गरिएको बीबीसीले आफ्नो समाचारमा जनाएको छ । यद्यपि अब्दुल्लाहले गत बुधबार हमजाले एक सहमति पत्रमा हस्ताक्षर गरी आफू राजपरिवारप्रति इमान्दार रहने प्रतिवद्धता गरेको बताएका थिए ।

हमजालाई उनी कान्छाबाबुको मध्यस्थतामा नरम बन्न र उनको सुरक्षाको जिम्मेवारी आफूले (कान्छाबाबु) ले लिने सहमति भएको बुझिएको छ । त्यसपछि टेलिभिजनमा गरिएको सम्बोधनमा राजाले ‘देशद्रोह कोपिलामा नै गुम्ने’ भनी प्रतिक्रिया दिएका छन् ।

HT

Leave a Reply

Your email address will not be published. Required fields are marked *

Next Post

इरानको एउटा परमाणु केन्द्र आतङ्ककारीको निसानामा

२०७७ चैत्र २९, आईतवार २३:०३
Spread the loveइरानको एउटा परमाणु केन्द्र आतङ्ककारी कार्यको निसानामा परेको परमाणुका एकजना उच्च अधिकारीले बताएका छन् । इरानले युरेनियमलाई अझ बढी मात्रामा सम्बद्र्धन गर्ने सेन्ट्रीफ्यूजहरू चलाउन सुरु गरेको भोलिपल्टै यस्तो हमला भएको हो । ती अधिकारीले उक्त कार्यमा कसको संलग्नता छ भन्ने बताएनन् । तर उनले अन्तर्राष्ट्रिय समुदायलाई परमाणु आतङ्कवादलाई […]