यस्ता छन् कांग्रेस केन्द्रीय समिति बैठकका एजेण्डा

Spread the love

काठमाडौं । प्रमुख प्रतिपक्षी दल नेपाली कांग्रेसको केन्द्रीय समिति बैठक आज बस्दैछ । पार्टी केन्द्रीय कार्यालय सानेपामा दिउँसो २ बजेका लागि बैठक बोलाइएको छ । यसअघि चैत ३० गतेका लागि बोलाइएको बैठक वरिष्ठ नेता रामचन्द्र पौडेलका भाइको निधन भएपछि स्थगित भएको थियो ।

बैठकमा मुख्यगरी १४ औं महाधिवेशनका तयारी, क्रियाशील सदस्यता वितरण तथा नवीकरणका लागि म्याद थप र समसामयिक राजनीतिक घटनाक्रमबारे छलफल हुने बताइएको छ । कांग्रेसले चैत ३० गतेसम्म क्रियाशील सदस्यताका काम सक्न जिल्ला कार्यसमितिहरूलाई निर्देशन दिएको थियो । तर अझै केही जिल्लामा क्रियाशील वितरणको काम सकिएको छैन । त्यस्तै बैठकमा केन्द्रदेखि प्रदेशसम्मका राजनीतिक घटनाक्रमबारे पनि छलफल हुनेछ ।

कांग्रेसले कर्णाली प्रदेशमा नेकपा माओवादी केन्द्रलाई सरकार गठनमा सहयोग गरेको छ भने गण्डकी प्रदेशमा मुख्यमन्त्री पृथ्वीसुब्बा गुरूङविरूद्ध कांग्रेसकै नेतृत्वमा अविश्वास प्रस्ताव प्रदेश सभा सचिवालयमा दर्ता गरिसकेको छ । लुम्बिनी प्रदेशमा पनि अहिलेको सरकार हटाएर नयाँ सरकार बनाउने तयारीमा कांग्रेस रहेको छ ।

HT

Leave a Reply

Your email address will not be published. Required fields are marked *

Next Post

चितवन राष्ट्रिय निकुञ्जमा नौ महिनाको अवधिमा ३० गैँडाको मृत्यु

२०७८ बैशाख ५, आईतवार ०९:४१
Spread the loveचितवन । चितवन राष्ट्रिय निकुञ्ज र आसपासका क्षेत्रमा चालु आर्थिक वर्षको नौ महिनामा ३० गैँडा मरेका छन् । तीमध्ये २६ वटा प्राकृतिक कारणले मरेका हुन् भने चारवटा चोरीशिकारीले मारेका हुन् । निकुञ्जका सूचना अधिकारी लोकेन्द्र अधिकारीका अनुसार पछिल्लोपटक वैशाख १ गते गैँडा मृतावस्थामा फेला परेको थियो । गत […]

समाचार छुट्याे की?