अर्थतन्त्र पुनरुत्थान गर्ने प्रयास निरन्तरः गभर्नर अधिकारी

Spread the love

काठमाडौं । नेपाल राष्ट्र बैंकका गभर्नर महाप्रसाद अधिकारीले कोरोनाका कारण प्रभावित अर्थतन्त्रलाई लयमा नै राख्न यसअघि घोषणा गरिएको राहत कार्यक्रम निरन्तर नै रहने बताएका छन् ।

केन्द्रीय बैंक ६५ वर्ष पूरा गरी ६६ औँ वर्षमा प्रवेश गरेको अवसरमा मंगलबार श्रव्यदृश्यका माध्यमबाट सम्बोधन गर्दै अधिकारीले कोभिड–१९ ले अर्थतन्त्रमा पारेको असर न्यूनीकरण गरी अर्थतन्त्र पुनःरुत्थान गर्ने आफूहरु प्रयास निरन्तर नै रहने बताए ।

पछिल्लो एक वर्षमा मूल्य, वित्तीय र बाह्य क्षेत्र स्थायित्व कायम राख्दै कोभिड–१९ को नकारात्मक प्रभावलाई न्यूनीकरण गर्न, आर्थिक पुनःरुत्थान गर्न र विषय परिस्थितिमा पनि बैंकिङ सेवा सुचारु राख्न सम्पादन भएका कामका साथै समष्टिगत आर्थिक अवस्था सकारात्मक रहेको उनको छ ।

“कोभिड–१९ ले सिर्जना गरेको असामान्य परिस्थितिलाई सम्बोधन गर्न चालिएका गैर–परम्परागत, लचिलो एवं सहजीकरणसहितका नीतिगत व्यवस्थालाई आर्थिक तथा वित्तीय स्थायित्व र मौदिैक उद्देश्यमाथि थप जोखिम सिर्जना नहुने गरी निरन्तरता प्रदान गरिने छ”, गभर्नर अधिकारीले भने ।

चालू आर्थिक वर्षको मौद्रिक नीतिको कार्यान्वयनले सकारात्मक परिणाम प्राप्त भइरहेको उनको भनाइ छ । उनले साना तथा मझौला उद्यम, कृषि, ऊर्जा, पर्यटनलगायत उत्पादनशील क्षेत्रतर्फ निर्देशित गरी आर्थिक पुनःरुत्थानका लागि सहयोग जारी रहने बताए ।

त्यस्तै, वित्तीय उपकरण एवं पूर्वाधारको समयसापेक्ष विकास गर्ने, विद्युतीय भुक्तानी माध्यममार्फत कारोवारको प्रवद्र्घन गर्ने र वित्तीय समावेशिता तथा ग्राहक संरक्षण गर्नेतर्फ प्रतिबद्ध रहेको उनको जोड थियो ।

HT

Leave a Reply

Your email address will not be published. Required fields are marked *

Next Post

निषेधाज्ञामा जिल्ला प्रशासन कार्यालय काठमाडौंद्वारा थप आदेश जारी

२०७८ बैशाख १४, मंगलवार २२:११
Spread the loveकाठमाडौँ । कोरोना भाइरस संक्रमणविरुद्ध बिहीबारदेखि एक हप्ता निषेधाज्ञा घोषणा गरेको जिल्ला प्रशासन कार्यालय काठमाडौंले थप आदेश जारी गरेको छ । प्रमुख जिल्ला अधिकारी कालीप्रसाद पराजुलीले मृत्यु संस्कार र बिरामी कुरुवा, बैंक तथा वित्तीय संस्था कर्मचारीको आवतजावत, विवाह/व्रतबन्धमा सहभागी लगायत बुँदा थप र परिमार्जनसहित मंगलबार आदेश जारी गरेका […]