धवलागिरि आधार शिविरमा दुई वटा शव र हेलिकप्टरको अवशेष फेला

Spread the love

काठमाडौं । हिमाल सफा गर्ने क्रममा दुईवटा शव र हेलिकप्टरको अवशेष फेला परेको छ । सफा हिमाल अभियानअन्तर्गत बुधबार धवलागिरि आधार शिविरदेखि २०० मिटर दक्षिणतर्फ हिमाल आरोहणका लागि प्रयोग हुने उपकरणसहित दुई मानव अवशेष फेला परेको सैनिक जनसम्पर्क तथा सूचना निर्देशनालयले जनाएको छ ।

सोही आधार शिविरबाट एक किलोमिटरको दूरीमा रहेको इटाली आधार शिविर नजिक नाइनएन–एसीआर लेखेको हेलिकप्टरको टुुक्रा फेला परेको जानकारी दिइएको छ । मृतकको पहिचान नखुलेकाले छानविन भइरहेको तथा हेलिकप्टर भने एयर डायनेष्टिकको सन् २००६ मा दुर्घटना भएको अवशेष रहेको प्रारम्भिक जानकारी प्राप्त भएको सेनाले जनाएको छ ।

ती मानव अवशेष व्यवस्थापन सम्बन्धमा सम्बन्धित निकायसँग समन्वयको प्रक्रिया शुरु गरिएको जानकारी दिइएको छ । सगरमाथासहित छ हिमाल सफाइ गर्ने उद्देश्यका साथ सञ्चालित उक्त अभियानमा खटिएको टोलीले स्थानीय सरकार, सम्बद्ध सङ्घसंस्था एवं स्थानीयवासीसँग आवश्यक समन्वय तथा सहकार्य गरी फोहर सङ्कलन गरिरहेको छ ।

यही वैशाख १२ गतेदेखि शुरू गरिएकामा आजसम्म आइपुग्दा सड्ने÷कुहिने ३५५ किलो र नसड्ने चार हजार ७९९ किलो फोहर सङ्कलन गरिएको सेनाले जनाएको छ ।

HT

Leave a Reply

Your email address will not be published. Required fields are marked *

Next Post

ओलीले राजनीतिलाई विकृत बनाएः भीम रावल

२०७८ बैशाख १७, शुक्रबार १९:१७
Spread the loveकाठमाडौं । नेकपा एमालेका उपाध्यक्ष डा. भीम रावलले सत्ता स्वार्थका लागि प्रधानमन्त्री केपी शर्मा ओलीले गरेका मनपरी छताछुल्ला भएको बताएका छन् । सामाजिक संजालमार्फत रावलले पदलोलुप प्रवृत्ति विदेशी गुप्तचरसँग गोप्य मन्त्रणा, प्रतिनिधिसभाको विघटन,संवैधानिक परिषदमा मनपरी र गण्डकी प्रदेशका मुख्यमन्त्री विरूद्ध अविश्वासको प्रस्ताव सन्दर्भका घटनामा छताछुल्ल भएको बताएका हुन् […]