लघुकथा: समय

Spread the love

     प्रभादेवी पौडेल ।
-“ओई सम्झना एउटा कुरा थाहा पाइस्?” -” के कुरा भन् न मथुरा?” -“कसैलाई नभनेस् नी मैले भनेको भनेर, तंलाई मात्र सुटुक्क भनेकी  ,राधीकाकी छोरी त हिनिछ नी।” -” ए हो र ? कस्ता सॅग गईछ?” -” संगै पढ्ने रे जात पनि मिल्दैन रे।” -” बर्बादै भएछ नी है? झन् मैले केटी असल जस्तो लागेर पछि हाम्रो भाइलाई कुरो चलाऊँ की जस्तो लगेको थियो।” -“त्यही त भन्या ,बेलैमा बिहे गरिदेवो भन्दा कानमा तेल हालेर बसे त्यही भएर मैले त बाह्र सक्ने बित्तिकै दुबै छोरीलाई दिएकी, काम सकेर बसेपछि आनन्दै की कसो?” -“तैले पनि अब गरिदे बिहे फेरि राधीकाकी छोरीले झै  नाक काटेर हिँडी भने?” -“हुन्छ नी मथुरा ,तर आफू माईतीमा पढ्न नपाएकोले अहिले यति दु:ख भोगेकी छू, तर छोरीले दु:ख नपावोस् भनेर पढाइमा बल गरेकी हुँ।” त्यत्ती कुरा सुनाउन आएकी मथुरा आफ्नो बाटो लागि ।

त्यसरी नै अर्काको भत्के बिग्रेको  कुनै कुरा थाहा पाउने बित्तिकै बढी चासो दिएर कसैलाई नी नभन्नु भन्दै गाॅऊ चाहार्ने बानीले मथुरालाई कसैले मन पराउॅदैनथे। उसलाई बीबीसी भनेर नाम राखेका थिए। तीन सन्तानकी आमा दुई छोरीलाई बेलै माथि दिएको भएर उनी ढुक्क थिइन् र अर्काको चियो चर्चो गर्दै हिड्दथिन्।

एकदिन छोरो अबेला सम्म घर आएन सबै चिन्तामा परे साधनमा हिड्ने मान्छे कतै केहि भयोकि भनेर खाना कुरेर पीर मान्दै झोक्राएर बसेका थिए। भोलिको रोपाई मथुरा बाऊसे र खेताली खोज्नू पर्ने भन्दै भारी मन लिएर खेतालो खोज्न निस्कीईन् । त्यतै तिर जाने भएपछि  बाउसो र फोरुवा  अर्चापेर ल्याउनु पर्यो भन्दै एक पन्थ दो काज लिएर घरबाट निस्किइन्। आरनमा पुग्न नपाउॅदै हर्क बहादुरले टाढैबाट भने, -” नमस्कार संधीनी ज्यू एका बिहानै कति कामले पाल्नु भयो? छोरीले हिजो राती फुन गरेकी थिई ।”

HT

Leave a Reply

Your email address will not be published. Required fields are marked *

Next Post

आगामी वर्षबाट मजदुरको न्यूनतम मासिक तलब १५ हजार रुपैयाँः प्रधानमन्त्री

२०७८ बैशाख १८, शनिबार ०९:२४
Spread the loveकाठमाडौं । प्रधानमन्त्री केपी शर्मा ओलीले आगामी वर्षबाट मजदुरको न्यूनतम मासिक तलब वृद्धि गरिने प्रतिवद्धता जनाएका छन् । शनिबार अन्तर्राष्ट्रिय मजदुर दिवसका अवसरमा शुभकामना दिँदै प्रधानमन्त्री ओलीले आगामी आर्थिक वर्षबाट मजदूरको तलब १५ हजार रुपैयाँ पुर्याइने प्रतिवद्धता जनाएका हुन् । अहिले श्रमिकको न्युनतम मासिक तलब १३ हजार ४५० […]

समाचार छुट्याे की?