माओवादीले संसद सचिवालयमा बुझायो सरकारलाई दिएको समर्थन फिर्ताको पत्र

Spread the love

काठमाडौं । नेकपा माओवादी केन्द्रले प्रधानमन्त्री केपी शर्मा ओली नेतृत्वको वर्तमान सरकारलाई दिएको समर्थन फिर्ता लिएको छ । माओवादीले बुधबार बिहान संसद सचिवालयमा सरकारलाई दिएको समर्थन फिर्ताको पत्र बुझाएको छ ।

माओवादी केन्द्रका प्रमुख सचेतक देव गुरुङले संसद सचिवालयका सचिव गोपालनाथ योगीलाई पत्र बुझाएका छन् । यसअघि मंगलबार बसेको स्थायी कमिटी बैठकले ओली सरकारलाई दिएको समर्थन फिर्ता लिने निर्णय गरेको थियो ।

२०७४ फागुन ३ गते प्रधानमन्त्री ओलीलाई माओवादीले समर्थन दिएको थियो । सर्वोच्चको आदेशमा २८ फागुनमा एमाले र माओवादी केन्द्र ब्युँतिएका थिए । त्यसयता माओवादी केन्द्र राजनीतिक रुपमा प्रधानमन्त्री ओलीको विपक्षमा रहे पनि प्राविधिक रुपमा डेढ महिनासम्म सरकारलाई नै साथ दिइरहेको थियो ।

प्रधानमन्त्री ओलीले वैशाख २७ गते संसदमा विश्वासको मत लिने निर्णय गरिसकेका छन् । त्यसका लागि राष्ट्रपति विद्यादेवी भण्डारीले संसद बैठक आह्वान गरिसकेकी छन् ।

HT

Leave a Reply

Your email address will not be published. Required fields are marked *

Next Post

शम्भुजित र मन्जु थापाको ‘पार्यो माया जालैमा’(भिडियोसहित)

२०७८ बैशाख २२, बुधबार १३:०२
Spread the loveसंगीतकार शम्भुजित बास्कोटा र मन्जु थापाको स्वरमा रहेको गीत ‘पार्यो माया जालैमा’ सार्वजनिक भएको छ । शम्भुजितकै शब्द तथा संगीत रहेको गीतमा संगीत संयोजन नरेन्द्र वियोगीले गरेका छन् । सुरेन्द्र बसेलको निर्देशन तथा कोरियोग्राफी रहेको भिडियोमा पुष्पा खडका र सुनिसा बजगाईंको अभिनय देख्न सकिन्छ । कोरस समेत प्रयोग […]