निषेधाज्ञालाई व्यवहारिक बनाउन कांग्रेसको माग

Spread the love

काठमाडौं । नेपाली कांग्रेसले कोभिड—१९ को रोकथाम, उपचार र राहतमा केन्द्रित हुन सरकारसँग माग गरेको छ । बिहीबार कांग्रेस सभापति शेरबहादुर देउवाले विज्ञप्ति जारी गरी निषेधाज्ञाले उद्योग व्यवसाय बन्द भएर खडा गरेको वेरोजगारीका कारण रोजिरोटीको संकट पनि जटिल बन्दै गएको भन्दै राहतमा ध्यान केन्द्रित गर्न सरकारसँग माग गरेका हुन् ।

विज्ञप्तिमा भनिएको छ, ‘वर्तमान अवस्थामा सरकारको सम्पूर्ण ध्यान कोभिड–१९ को रोकथाम र उपचारमा केन्द्रित गर्न र निषेधाज्ञाका कारण निम्न आय भएका आम नागरिक, साना व्यवसायी, श्रमजीवीहरुको राहत र सहयोगका लागि विशेष आर्थिक प्याकेज घोषणा गर्न माग गर्दछु ।’

देउवाले सबै नागरिकलाई कोभिडविरुद्धको खोप लगाउने व्यवस्था गर्न सरकारसँग माग गरेका छन् । उनले भनेका छन्, ‘फेरि पनि, म नेपाली कांग्रेसको तर्फबाट प्रधानमन्त्रीलाई पेश गरेको १५ वुँदे ज्ञापन–पत्रलाई गम्भीरताका साथ लिन माग गर्दछु । खासगरेर— कोभिड–१९ विरुद्ध खोपको तत्काल आपूर्ति, देशभर आवश्यकता अनुसार आईसियु वेड र अक्सिजनको व्यवस्था र निम्न आय भएकाहरुलाई निःशुल्क उपचारको सुनिश्चितता गर्न माग गर्दछु । देशको हरेक गाउँ/नगरपालिका र वडा तहसम्म पिसिआर परिक्षणको व्यवस्था गर्न; संक्रमण रोक्न सशक्त सचेतना अभियान संचालन गर्न; ग्रामीण र दुर्गम क्षेत्रका संक्रमित नागरिकहरुलाई समेत उपचारको सुविधा सुनिश्चित गर्न; निषेधाज्ञालाई व्यवहारिक र प्रभावकारी तर जनअधिकार र जनताका आवश्यकतालाई केन्द्रविन्दुमा राखी आवश्यकता अनुसार कार्यान्वयन गर्न तथा विदेशी मित्रराष्ट्र र संघ–संस्थाहरुबाट आएको सहयोगको दुरुपयोग र पार्टीकरण बन्द गर्न माग गर्दछु । खोप लगायत स्वास्थ्य सामाग्री खरीद र आपूर्तिमा देखिएका अनियमितता र भ्रष्टाचारको निष्पक्ष जाँचको लागि पनि सम्बन्धित निकायहरुसँग माग गर्दछु ।’

वर्तमान सरकार संविधानको मूल मर्म र भावना विपरीत सत्तामा आसिन भएको भन्दै सभापति देउवाले संसदीय प्रक्रियालाई छलेर दूरगामी प्रकृतिका निर्णयहरु नलिन आग्रह गरेका छन् ।

उनले भनेका छन्, ‘सरकारका सम्बन्धमा न्यायपालिकामा मुद्दा विचाराधीन रहेको अवस्थामा कुनै पनि दूरगामी प्रकृतिका निर्णयहरु नलिन र कार्यान्वयन नगर्न म सरकारलाई खबरदारी गर्दछु । सरकारको नेतृत्वलाई सरकारी संयन्त्रको दुरुपयोग नगर्न र सरकारी संयन्त्रमा कार्यरतहरुलाई दुरुपयोग हुनबाट अलग रहन पनि ध्यानाकर्षण गराउँदछु ।’

HT

Leave a Reply

Your email address will not be published. Required fields are marked *

Next Post

नेप्सेमा १४ अर्ब ७६ करोडको कारोवार

२०७८ जेष्ठ १३, बिहीबार १८:०६
Spread the loveकाठमाडौं । धितोपत्र बजारमा हरेक दिन जसो नयाँनयाँ रेकर्ड कायम भइरहेको छ । सोही क्रममा आज पनि नयाँ रेकर्ड बनेको छ । नेपवाल स्टक एक्सचेञ्जका अनुसार बिहीबार हालसम्मकै कारोवार रकम उच्च देखिएको छ । कारोवार मापक परिसूचक नेप्से १.२० अङ्कले घटेर दुई हजार ८१५.३९ मा ओर्लेको छ । […]

समाचार छुट्याे की?