मेरा कारण एकता असफल भयो भन्नु भ्रामक र षड्यन्त्रपूर्णः प्रचण्ड

Spread the love

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले मेरा कारण पार्टी एकता प्रयास नभएको भन्ने प्रधानमन्त्री केपी शर्मा ओलीको भनाईप्रति आपत्ति जनाएका छन् ।

प्रधानमन्त्री ओलीले प्रचण्डका कारण पार्टी एकता हुन नसकेको भनाइ आएको भोलिपल्ट सोमबार अध्यक्ष प्रचण्डको यस्तो प्रतिक्रिया आएको हो । प्रचण्डले भनेका छन्, ‘प्रधानमन्त्री केपी शर्मा ओलीले प्रचण्डको कारण एकताको प्रयास सफल नभएको भन्ने भनाइ झुठ, भ्रामक र षड्यन्त्रपूर्ण छ । त्यस प्रकारको अभिव्यक्तिको घोर निन्दा र भर्त्सना गर्दछु ।’

आइतबार प्रधानमन्त्री ओलीले पार्टीको प्रथम अध्यक्ष हुनुको नाताले मैले यसमा आफैं पहल लिएको तर पुष्पकमल दाहाल ‘प्रचण्ड‘ को अनिच्छाका कारण आफ्नो प्रयास सफल हुन नसकेको बताएका थिए ।

प्रधानमन्त्रीले भनेका थिए, ‘नेपाली कम्युनिष्ट आन्दोलनको वर्तमान अवस्था र पार्टी एकताका विषयमा पार्टी पङ्क्ति एवं आम जनसमुदायबाट समेत व्यक्त भएका चासो, सरोकार र चिन्तालाई मैले गंभीरतापूर्वक लिएको छु । पचास वर्ष भन्दा पहिले विभाजन र विखण्डनको दुःखद शृङ्खलाबाट गुज्रिरहेको कम्युनिष्ट आन्दोलनलाई आधारभूत तहबाटै पुनर्गठन एवं एकतावद्ध गर्न नयाँ अभियान सुरुवात गर्ने सीमित व्यक्तिहरुमध्ये एक हुनुको नाताले मैले पार्टी एकताको महत्व र खाँचोलाई गहिरो गरी बुझेको छु । म सधैभरि कम्युनिष्ट आन्दोलनको एकता, लोकतान्त्रिक शक्तिहरुको एकता र राष्ट्रिय एकताको पक्षमा रहँदै आएँ । भोलिका दिनमा पनि म यसैका निम्ति क्रियाशील रहने छु । कम्युनिष्ट आन्दोलनलाई एकतावद्ध बनाएर मात्रै मुलुकको राष्ट्रिय एकतालाई सुदृढ गर्न सकिन्छ भन्ने विश्वासका साथ हामीले २०७५ जेठमा पार्टी एकीकरणको ऐतिहासिक निर्णय गरेका थियौं। एकीकरणको मुख्य पहलकर्ता र प्रस्तावकका रुपमा मेरो भूमिका कस्तो थियो भन्ने कुरा यहाँ दोहोर्याइरहन आवश्यक देख्दिनँ । तर त्यो एकीकरण निष्कर्षमा पुग्न सकेन । यसका कारणहरु बारे यहाँ धेरै भन्न चाहन्नँ । २०७७ साल फागुन २३ गतेको सर्वोच्च अदालतको फैसला एकीकरण प्रक्रिया भङ्ग हुनुको मुख्य कारण थियो भनेर कतिपयले टिप्पणी गर्छन् । तर यो यथार्थ होइन । सर्वोच्च अदालतले त नेपाल कम्युुनिष्ट पार्टीको नाम पहिल्यै निर्वाचन आयोगमा दर्ता रहेको हुनाले त्यससँग नाम जुझ्ने गरी गरिएको दर्ता मिलेन भनेको हो । एकता कायम राख्ने भए नयाँ नाम प्रस्ताव गर भनेको हो । र यसका लागि समय पनि दिएको हो । पार्टीको प्रथम अध्यक्ष हुनुको नाताले मैले यसमा आफै पहल पनि लिएको हुँ । तर पुष्पकमल दहाल ‘प्रचण्ड‘ को अनिच्छाका कारण मेरो प्रयाश सफल हुन सकेन । त्यसपछि मात्रै हामी एकीकरणका पक्षधरहरुको साझा पार्टी, एकताको बिरासत बोकेको पार्टीका रुपमा नेकपा (एमाले) लाई नयाँ स्वरुप र गतिका साथ अगाडि बढाउने निष्कर्षमा पुगेका हौं ।’

HT

Leave a Reply

Your email address will not be published. Required fields are marked *

Next Post

दुई अल्छी घोडाको चेपुवामा परेंः कमल थापा

२०७८ जेष्ठ २४, सोमबार १३:४९
Spread the loveकाठमाडौं । राष्ट्रिय प्रजातन्त्र पार्टीमा पनि विवाद देखिएको छ । पार्टी अध्यक्ष कमल थापाले सामाजिक संजालमार्फत अरु दुई अध्यक्षका कारण आफू चेपुवामा परेको बताएका हुन् । उनले दुई अल्छी घोडाको बीचमा च्यापिएको तिव्रगतिको घोडाको हालत के होला ? भन्दै प्रश्न गरेका छन् । उनले लेखेका छन्, ‘दुई वा […]

समाचार छुट्याे की?