नेकपालाई तहसनहस गरी गलत बाटो अंगाल्दाको परिणाम हो योः माधव नेपाल

Spread the love

काठमाडौं । नेकपा एमालेका वरिष्ठ नेता माधवकुमार नेपालले मुलुकलाई भड्खालोमा पुग्नबाट समयमै जोगाउन लोकतान्त्रिक शक्तिलाई आग्रह गरेका छन् । मंगलबार राति सामाजिक संजालमार्फत वरिष्ठ नेता नेपालले एकताबद्ध पार्टी र आन्दोलन बनाउनका लागि सबैलाई एकतावद्ध हुन आग्रह गरेका हुन् ।

उनले भनेका छन्, ‘एकताबद्ध पार्टी र आन्दोलन बनाउन लागौं साथै नेपाल राष्ट्रको गरिमा ऊँचो राख्न तथा संविधान, गणतन्त्र र नेपाली जनताको हितको रक्षा गर्न सम्पूर्ण वामपन्थी ,लोकतान्त्रिक र परिवर्तनकारी सकारात्मक शक्तिहरू एक हौं । मुलुकलाई भड्खालोमा पुग्नबाट समयमै जोगाऔं !!’

त्यस्तै उनले संसद्, सरकार र पार्टी (नेकपा) साथै नेकपा(एमाले) लाई तहसनहस गरेर गलत बाटो अंगाल्दाको परिणाम सिंगो देश सहित पार्टी र जनताले भोग्दै आएका बताएका छन् ।

उनले अगाडि भनेका छन्, ‘संसदमा झण्डै दुई तिहाई बहुमतका साथमा बलियो सरकार बनेको थियो ! जनचाहना अनुसार इतिहासमै सबैभन्दा ठूलो कम्युनिष्ट पार्टी “नेकपा” बनेको थियो ।तर, संसद्, सरकार र पार्टी (नेकपा) साथै नेकपा(एमाले) लाई तहसनहस गरेर गलत बाटो अंगाल्दाको परिणाम सिंगो देश सहित पार्टी र जनताले भोग्दैछन्। सरकार र पार्टीको पदको दुरुपयोग गरेर पटक पटक गलत निर्णय गर्दै जाने स्थितिले पार्टी, देश र कसैलाई गन्तब्यमा पुर्याउँदैन र राम्रो परिणाम दिँदैन । हामीले गलत कार्यको खबरदारी गर्दै आएका थियौं र छौं ।’

 

HT

Leave a Reply

Your email address will not be published. Required fields are marked *

Next Post

नेपाल प्रहरीका ५२ एसपी र ५७ डीएसपीको सरुवा(सूचीसहित)

२०७८ असार ८, मंगलवार २१:५८
Spread the loveकाठमाडौं । नेपाल प्रहरीका ५२ प्रहरी उपरीक्षक (एसपी) को सरुवा भएको छ । प्रहरी प्रधान कार्यालयले मंगलबार उनीहरुको सरुवा गरेको हो । प्रहरी महानिरीक्षकको मंगलबारको निर्णयअनुसार असार महिनादेखिको तलब भत्ता समेत हाल सरुवा भएको स्थानबाट खान मिल्ने गरी सरुवा गरिएको प्रधान कार्यालयको कर्मचारी प्रशासन शाखाले जनाएको छ । […]

समाचार छुट्याे की?