फ्लोरिडाको भवनमा च्यापिएकामध्ये १२ जनाको मृत्यु, १४९ अझै बेपत्ता

Spread the love

संयुक्तराज्य अमेरिकाको फ्लोरिडामा भत्किएको एउटा भवनमा मृत्यु हुनेको संख्या १२ पुगेको छ । मियामी–डेड काउन्टीका मेयर डानिएला लिभाइन काभाका अनुसार भवनको भग्नावशेषमा पुरिएर अझै १४९ जना बेपत्ता छन् र उनीहरुको खोजी कार्य जारी रहेको छ ।

मेयर काभाले पछिल्लो पटक मङ्गलबार साँझ दिएको वक्तव्यमा बेपत्ता हुनेको संख्या अझै यकिनका साथ बताउन कठिन भइरहेको उल्लेख छ ।

उद्धारकर्ताहरुले थप मानिसको खोजीका लागि दिनरात खोजी कार्य जारी राखेका छन् तर वर्षा र भग्नावशेषका कारण खोजी कार्यमा कठिन भएको छ ।

अमेरिकी राष्ट्रपति जो बाइडेनले सर्फसाइडमा भएको उक्त दुर्घटना स्थलको बिहीबार निरीक्षण गर्ने भएका छन् । गत बिहीबार मियामी समुद्र किनारामा रहेको एउटा ठूलो भवन एक्कासी भत्किएको थियो । भवन भत्किनुको कारण अझै स्पष्ट भइसकेको छैन । तर, सन् २०१८ मा दिइएको प्रतिवेदनले भवनको संरचनामा कमजोरी रहेको देखाएको छ ।

HT

Leave a Reply

Your email address will not be published. Required fields are marked *

Next Post

जनतामा पैदा भएको निराशाका कारण पूर्वराजाले यसवर्ष जन्मोत्सवलाई उत्सवकारुपमा नमनाउने

२०७८ असार १६, बुधबार १७:२२
Spread the loveकाठमाडौं । पूर्वराजा ज्ञानेन्द्र शाहले यसवर्ष पनि जन्मोत्सव नमनाउने भएका छन् । कोरोना भाइरस महामारी, प्राकृतिक विपद् र देशको राजनीतिक अस्थिरताका कारण आम मानिसमा व्याप्त निराशा र पीडामा रहेका भन्दै असार २३ गते पर्ने जन्मदिन उत्सवका रुपमा नमनाउने घोषणा गरेका हुन् । पूर्व राजाले देशको राजनीतिक अवस्थाबारे पनि […]