दुवै डोज खोप लगाउँदा कोभिडबाट ९८ प्रतिशत सुरक्षा

Spread the love

कोभिडको दुवै डोज खोप लगाउँदा यो सङ्क्रमण भएका मानिसहरुलाई मृत्युबाट ९८ प्रतिशत सम्म बचाउन सक्ने एक अध्ययनले देखाएको छ । भारत सरकारका अधिकारीले गरेको अध्ययनले उक्त तथ्य देखाएको बताइएको छ ।

भारत सरकारले गरेको एक अध्ययनले कोरोना भाइरस विरुद्धको एउटा मात्र खोपले पनि कम्तीमा ९२ प्रतिशत जति सुरक्षा प्रदान गर्ने देखिएको छ ।

अध्ययनले एक डोज मात्र खोप लगाएका व्यक्तिलाई पनि कोरोना भाइरस सङ्क्रमण भएको छ भने उनीहरुलाई ९२ प्रतिशत सम्म मृत्युबाट बचाउने देखिएको हो ।

भारतीय सरकारको निकट रहेको एक थिंक ट्यांक संस्था एन आइ टि आईले गरेको सो अध्ययनबाट उक्त तथ्य बताइएको छ । इन्स्टिच्युटका निर्देशक भि के पाउलले शनिबार नयाँ दिल्लीमा अयोजना भएको पत्रकार सम्मेलनमा जानकरी दिए।

उनले भनेका छन् कि कोरोना विरुद्धको खोपले कोरोना लाग्न नदिन भन्दा पनि कोरोना लागिसकेपछि मृत्युबाट बचाउन निकै प्रभावकारी रुपमा काम गर्ने देखिएको छ । उनले सो अध्ययन पञ्जावका प्रहरीमा गरिएको जानकारी दिएका थिए । पञ्जावमा कोभिडको खोप लगाएका र नलगाएका प्रहरीहरुमा अनुसन्धान गरिएको थियो ।

त्यस्तै त्यहाँका प्रहरी जसले एक डोज मात्र खोप लगाएका र दुवै डोज खोप लगाएकाहरुमा पनि अनुसन्धान गरिएको थियो । तीमध्ये खोप नलगाएको तुलनामा लगाएका प्रहरीको मृत्यु दर निकै कम थियो । त्यसैगरी दुवै डोज खोप लगाएकामा मृत्युबाट जोगाउनसक्ने ९८ प्रतिशत सुरक्षा रहेको पाइएको थियो ।

HT

Leave a Reply

Your email address will not be published. Required fields are marked *

Next Post

कोलम्बिया कोपा अमेरिकाको सेमिफाइनलमा प्रवेश

२०७८ असार १९, शनिबार १८:४१
Spread the loveउपाधि दाबेदार उरुग्वेलाई हराउदै कोलम्बिया कोपा अमेरिका कप फुटबलको सेमिफाईनलमा प्रवेश गरेको छ । ब्राजिलमा जारी ४७ औँ संस्करणको प्रतियोगीतामा कोलम्बियाले पेनाल्टी सुटआउटमा उरुग्वेको चुनौती पन्छाएको हो । निर्धारित र अतिरिक्त समयको खेल गोलरहित बराबरीमा सकिएपछि खेलको निर्णय पेनाल्टी सुटआउटबाट गरिएको हो । पेनाल्टीमा उरुग्वेका माटियास भिना र […]