तालिबानले भन्यो-अफगानिस्तानबाट सबै विदेशी सेना समय सीमाभित्रै फर्किसक्नुपर्छ

Spread the love

तालिबानले आगामी सेप्टेम्बर महिनाबाट अफगानिस्तानबाट बाहिरिन उत्तर एटलान्टिक सन्धि संगठन, नेटोले तोकेको समय सीमा पश्चात् त्यहाँ बस्ने कुनै पनि विदेशी सैन्य फौजलाई कब्जा गर्नेहरूका रूपमा लिइने खतरा रहेको बताएको छ ।

कूटनीतिक नियोग र काबुलस्थित अन्तर्राष्ट्रिय विमानस्थलको सुरक्षार्थ मूलतः अमेरिकी फौज सहित एक हजार विदेशी सेना त्यहीँ बस्न सक्ने विवरणकाबीच तालिबानको पछिल्लो भनाइ सार्वजनिक भएको हो ।

अफगानिस्तानमा नेटोको २० वर्ष लामो सैन्य मिसनको अन्त्य भएको छ । तर तालिबानले थप क्षेत्रमा पकड स्थापित गरेसँगै त्यहाँ हिंसा भने बढ्दो क्रममा छ । अफगानी सुरक्षा निकायले एक्लै देशको सुरक्षाको जिम्मा लिने तयारी गर्दै गर्दा काबुलको भविष्यबारे चिन्ता बढिरहेको छ ।

तालिबानका प्रवक्ता सुहेल शाहीनले काबुलमा सैन्य कब्जा गर्नु ’आफूहरूको नीति नरहेको’ बताएका छन् । तर कतारस्थित कार्यालयबाट बीबीसीसँग कुराकानी गर्दै उनले काबुलबाट फिर्ता जाने कार्य सम्पन्न भएपछि सैन्य ठेकेदार सहित त्यहाँ कुनै पनि किसिमका विदेशी सेनाको उपस्थिति हुन नहुने बताएका छन् ।

दोहा सम्झौताविरुद्ध उनीहरूले सेना कायमै राखे कसरी अघि बढ्ने भन्ने विषयबारे हाम्रो नेतृत्वले निर्णय लिने उनले बताए । उनले कूटनीतिज्ञ, गैर सरकारी संस्था र अन्य विदेशी सर्वसाधारणहरूलाई तालिबानले निशाना नबनाउने भन्दै उनीहरूलाई दिइँदै आएको सुरक्षाको आवश्यकता नरहेको बताए ।

तालिबानसँग भएको सम्झौता अनुसार अमेरिका र उसका सैन्य गठबन्धनले आफ्ना सबै फौज फिर्ता लैजान सहमत भएका छन्। त्यसका लागि तालिबानले अलकायदा वा अन्य कुनै पनि अतिवादी समूहलाई उनीहरूले नियन्त्रण गर्ने क्षेत्रबाट परिचालित हुन नदिने प्रतिबद्धता जनाएका छन्।

 

HT

Leave a Reply

Your email address will not be published. Required fields are marked *

Next Post

हस्ताक्षर कीर्ते भए मुद्दा चलाउन महान्यायाधिवक्तालाई दाहालको चुनौती

२०७८ असार २१, सोमबार ११:३८
Spread the loveकाठमाडौं । वरिष्ठ अधिवक्ता हरिहर दाहालले प्रतिनिधिसभा विघटन विरुद्धको रिट दर्ता गर्दा प्रस्तुत हस्ताक्षर कीर्ते भए मुद्दा चलाउन महान्यायाधिवक्तालाई चुनौती दिएका छन् । सोमबार प्रतिनिधिसभा विघटनसम्बन्धी मुद्दामा रिट निवेदकका तर्फबाट जवाफी बहस गर्दै दाहालले हस्ताक्षर र्कीर्ते भएर मुद्दा चलाउन महान्यायाधिवक्तालाई चुनौती दिएका हुन् । उनले भने, ‘नाम सच्याउने, […]