देउवा सरकार एमाले विभाजनमा लाग्नु दूर्भाग्यपूर्णः भीम आचार्य

Spread the love

काठमाडौं । नेकपा एमालेका नेता भीम आचार्यले पार्टी विभाजन गर्ने गरी गरिएका सबै हस्ताक्षर फिर्ता लिन र सांसदहरुलाई गरिएका कारबाही फिर्ता लिन पार्टी नेतृत्वलाई अपील गरेका छन् ।

बुधबार सामाजिक संजालमार्फत ६ बुँदे अपील जारी गरी पार्टी एकताको पक्षमा उभिन नेता कार्यकर्तालाई अपील गरेका हुन् । उनले पार्टी विभाजनले सबै न्यायप्रेमी जनतालाई दुखित र प्रतिकृयावादीहरु खुसी भएकाले प्रतिगामी अध्यादेशको बिरोध गर्न आग्रह गरेका छन् ।
यस्तो आचार्यको ६ बुँदे अपील

(१) प्रतिनिधिसभा विघटन बिरोधी अभियान संसद÷ संविधान र लोकतान्त्रिक प्रक्रिया बचाउन का लागि गरिएका थिए। पार्टी बिभाजन गर्नको लागि होइन ।

(२) नेकपा एमालेको विभाजनले लोकतन्त्र, गणतन्त्र,र क्रान्तिका उपलब्धिहरुलाई कमजोर पार्दछ। अग्रगमनको यात्रामा गम्भीर धक्का दिन्छ ।

(३) संसद र संविधान बचाउनको लागि बनेको भनिएको शेरबहादुर देउवा नेतृत्वको सरकार एडी चोटीको बल लगाएर एमाले विभाजन गर्न लाग्नु र त्यसको लागि विभाजनकारी अध्यादेश ल्याउने दुष्कर्ममा लाग्नु दूर्भाग्यपूर्ण हो ।

(४) लोकतन्त्र/संविधान र स्थायित्व लाई कमजोर पार्ने सबै खाले प्रतिकृयावादीहरुको उक्साहट र सहयोगमा ल्याइएको अध्यादेश असंवैधानिक र प्रतिगामी कदम हो । यो तुरुन्तै फिर्ता गरिनुपर्दछ।

(५) पार्टी विभाजन गर्ने गरी गरिएका सबै हस्ताक्षर फिर्ता लिन म सबै नेता तथा सांसदहरुलाई तथा विभाजन रोक्न भनि गरिएका कार्बाही फिर्ता लिन पार्टी नेतृत्वलाई हार्दिक अपील गर्दछु।

(६) विभाजनले सबै न्यायप्रेमी जनतालाई दुखित र प्रतिकृयावादीहरुलाई खुसी पार्दछ । त्यस अर्थ पार्टी विभाजन गर्न ल्याइएको प्रतिगामी अध्यादेशको विरोध गर्न र पार्टी एकताको पक्षमा दृढतापूर्वक लाग्न म सम्पूर्ण नेता, कार्यकर्ता र आमजनसमुदायलाई हार्दिक अपील गर्दछु ।

 

HT

Leave a Reply

Your email address will not be published. Required fields are marked *

Next Post

गतवर्ष वैशाखमा यसरी नै संसद छल्दै अध्यादेश जारी गर्ने ओली मण्डलीलाई यो अध्यादेशको विरोध गर्ने हक छैन

२०७८ भाद्र २, बुधबार ०९:१७
Spread the loveकाठमाडौं । नेपाली कांग्रेसका नेता गगन थापाले संसद अधिवेशन हठात् अन्य गरेर संसद छल्दै अध्यादेश ल्याउनु गलत भएको बताएका छन् । बुधबार सामाजिक संजालमार्फत थापाले जसले ल्याए पनि अध्यादेश हिजो गलत, आज गलत, सधैं गलत रहेको बताएका हुन् । हिजो ओलीले ल्याउँदा गलत भन्ने, त्यसको विरुद्धमा उभिने कसैलाई […]

समाचार छुट्याे की?