न्यायालयलाई रणमैदान बनाएको भन्दै पूर्वसुरक्षाकर्मी परिषद नेपालको आपत्ति

Spread the love

काठमाडौं । पूर्वसुरक्षाकर्मी परिषद नेपालले न्यायालय निरन्तर संचालन गरी जनतालाई न्याय प्रदान गर्न/गराउन आग्रह गरेको छ । परिषदका अध्यक्ष केवि राउतले शुक्रबार विज्ञप्ति जारी गरी न्यायालयलाई बन्धक बनाई जनतालाई न्यायबाट बन्चित गर्ने कार्य तत्काल बन्द गर्न आग्रह गरेका हुन् ।

विज्ञप्तिमा भनिएको छ,‘राजनीतिमा आफ्नो व्यक्तिगत आस्था हुन सक्दछ तर अदालत जस्तो राष्ट्रको सर्वोच्च संस्थाको गरिमामय सार्वजनिक पद धारण गरेका न्यायमुर्तीहरू राजनीतिक भागबण्डामा नियुक्ति हुने गरेको छ । वहाल रहेको समयमा पनि स्वतन्त्र र निष्पक्ष भई नैतिकतामा आँच नआउने गरि कर्तव्यनिष्ठ तरिकाले राष्ट्र, राष्ट्रियता र जनताको हितमा काम गर्नु पर्नेमा जनभावना विपरित कार्य गरिरहेको तमाम गतिविधिले देखाएको छ । जनतासँग प्रत्यक्ष सरोकार राख्ने विषयलाई भन्दा दलगत, गुटगत र आर्थिक लेनदेनमा निर्लिप्त भइ देश र जनता विरोधी राष्ट्रिय/अन्तराष्ट्रिय तत्वहरूलाई महत्व दिने, राजनीतिक दल, व्यापारी तथा अदालतमा साँठगाँठ मिलाई राष्ट्र र राष्ट्रियता विरूद्ध जनतालाई प्रत्यक्ष असर पार्ने खालका निर्णयहरू गर्नु गराउनु जस्ता कार्यहरू खेदजनक छन् । यस्ता कार्यहरू प्रति पूर्वसुरक्षाकर्मी परिषद नेपालको आपत्ति छ ।’

परिषदले जनतालाई न्यायबाट बन्चित बनाउने कार्यले निरन्तरता पाइरहे आमनागरिकलाई आव्हान गरि थप कडा कदम चाल्ने चेतावनीसमेत दिएको छ ।

HT

Leave a Reply

Your email address will not be published. Required fields are marked *

Next Post

राष्ट्रिय एकता दिवस मनाउन परिषदले सरकारलाई दबाब दिने

२०७८ कार्तिक १९, शुक्रबार १८:२६
Spread the loveकाठमाडौं । पूर्वसुरक्षाकर्मी परिषद नेपालले राष्ट्रिय एकता दिवस राष्ट्रिय रूपमा मनाउन सरकारलाई दबाब दिने भएको छ । सोमबार परिषदका अध्यक्ष केवि राउतले विज्ञप्ति जारी गरी भदौ ७ गते प्रधानमन्त्री शेरबहादुर देउवालाई बुझाएको १९ बुँदे माग पूरा गर्न दबाब दिने बताएका हुन् । प्रधानमन्त्रीसमक्ष पेश गरिएको ज्ञापन पत्रको बुँदा […]