काठमाडौं । सांसदहरुले निर्वाचन आयोगले संसदको कार्यकाल असोज १ गते सकिने बताएको भन्दै आपत्ति जनाएका छन् । बुधबारको प्रतिनिधिसभा बैठकमा सांसदहरुलेसंसदको कार्यकाल तोक्ने अधिकार आयोगलाई नभएको बताएका हुन् ।
सांसद यशोदा सुवेदी गुरुङले सार्वभौम संसदलाई निर्देशन दिने अधिकार निर्वाचन आयोगलाई कसले दियो भन्दै प्रश्न गरिन् । उनले भनिन्, ‘प्रतिनिधिसभाको कार्यकाल ५ वर्ष हुनेछ भन्ने उल्लेख छ । यो कार्यकाल साढे ४ वर्षमा सकिदैछ । आगामी संसदले संसदको अविच्छिन्नतलाई कायम राख्ने गरी समयमै ऐन निर्माण गरोस् । निर्वाचन आयोगले असोज १ गते राति १२ बजे प्रतिनिधि सभा समाप्त हुनेछ भन्ने व्यहोराको पत्र पठाएको कुरा आएको छ । सार्वभौम संसदलाई निर्देशन गर्ने अधिकार निर्वाचन आयोगलाई कसले दियो ?’
नेपाली कांग्रेसका सांसद राजेन्द्रबहादुर केसीले सांसदको कार्यकाल कहिले समाप्त हुन्छ भन्ने अन्योलता रहेको बताए । उनले सांसदको कार्यकाल निर्वाचन आयोगले तोक्न नमिल्ने बताए । उनले भने, ‘कानुनको अभावमा कानुन बनाउने निकाय नै संसदको कार्यकालका विषयमा अन्यौलमा छ । हामी सांसदलाई आयोगले चिनाउने हो कि संसदले चिनाउने निक्र्यौल गर्नुपर्ने भएको छ ।’