
काठमाडौं । निर्वाचन आयोगले राष्ट्रिय भूमि आयोगलाई लालपुर्जा वितरण गर्ने लगायतका सम्पूर्ण कार्यहरु स्थगित गर्न निर्देशन दिएको छ। आयोगले बिहीबार विज्ञप्ति जारी गरी
जग्गा वितरणसम्बन्धी निवेदन लिने, जग्गा नापजाँच गर्ने र जग्गाको निस्सा तथा लालपुर्जा वितरण गर्ने लगायतका सम्पूर्ण कार्यहरु तत्काल स्थगित गरी सोको यथार्थ जानकारी दुई दिनभित्र निर्वाचन आयोगलाई दिन निर्देशन दिएको हो । त्यस्तै आयोगले नेपाल सरकार, प्रदेश सरकार तथा स्थानीय तहलाई वैदेशिक भ्रमण नगर्न नगराउन पनि निर्देशन दिएको छ।
प्रतिनिधि सभा तथा प्रदेश सभा सदस्य निर्वाचन आउँदो मंसिर ४ गते आइतबार एकै चरणमा हुने गरी घोषणा भएको र निर्वाचनको तयारीका कार्यहरू भइरहेकोले आयोगले यस्तो निर्देशन दिएको हो।
प्रतिनिधि सभा सदस्य र प्रदेश सभा सदस्य समानुपातिक निर्वाचन प्रणालीतर्फको निर्वाचन कार्यालय स्थापना भई यही असोज २ र ३ गते उम्मेदवार मनोनयनका लागि बन्दसूची पेश गर्ने कार्यक्रम रहेको छ।