काठमाडौं । अन्तर्राष्ट्रिय महिला फुटबल च्याम्पियिनसिपको उपाधि म्यान्मारले जितेको छ । बुधबार त्रिपुरेश्वरििस्थत दशरथ रगंशालमा भएको फाइनल खेलमा घरेलु टोली नेपाललाई २–० ले हराउँदै म्यान्मारले उपाधि जितेको हो ।
फाइनल खेलमा पहिलो हाफ गोलरहित बराबरीमा रोकिएको थियो । त्यसपछि खेलको ६२औँ मिनेटमा म्यान्मारले गोल गर्दै नेपालविरुद्ध अग्रता लिएको थियो । पहिलो गोल भएको दुई मिनेटपछि नै म्यान्मारले नेपालविरुद्ध दोस्रो गोल गर्यो ।
म्यान्मारको लागि पहिलो गोल यु पर कियाङले गरिन् । त्यसपछि खेलको ६४औँ मिनेटमा विङ तेइन्जी तुनले गोल गरेर म्यान्मारलाई सफलता दिलाइन् । म्यान्मारले प्रतियोगिताको पहिलो खेलमा लेबनानलाई ३–१ ले पराजित गरेको थियो भने दोस्रो खेलमा किर्गिस्तानलाई ५–० को गोलले हराएर एक खेलअघि नै फाइनलमा आफनो स्थान बनाएको थियो ।
फागुन ५ गतेदेखि सुरु भएको प्रतियोगितामा आयोजक नेपालसहित, लेबनान, किर्गिस्तान र म्यानमारले सहभागिता जनाएका थिए ।
