न्युयोर्क पोष्ट । बिहीबार राति अमेरिकाको डेनभर अन्तर्राष्ट्रिय विमानस्थलमा अमेरिकन एयरलाइन्सको विमानमा अचानक आगो लागेको छ ।
संघीय उड्डयन प्रशासनका अनुसार, कोलोराडो स्प्रिंग्सबाट उडान भरेको केही समयपछि टेक्सास जाने बोइङ ७३७–८०० विमानका चालक दलका सदस्यहरूले इन्जिन कम्पन भएको रिपोर्ट गरेका थिए । त्यसपछि विमान अवतरण गर्न निर्देशन दिइएको थियो । साँझ ५ः१५ बजे विमान डेनभर विमानस्थलमा अवतरण गरेको थियो ।
अवतरणपछि विमानमा आगो लागेको थियो । विमानमा १७२ यात्रु र ६ जना चालक दलका सदस्य थिए । तत्काल आगलागी नियन्त्रणमा लिएकाले मानवीय क्षति नभएको अधिकारीहरुले बताएका छन् ।
