काठमाडौं । प्रहरी जवान पदको लिखित परीक्षा सहभागी ६ जना नक्कली परीक्षार्थी पक्राउ परेका छन् । शनिबार रत्नराज्य मावि नयाँबानेश्वरमा प्रहरी जवान पदको लिखित परीक्षामा अन्य व्यक्तिको नाममा परीक्षा दिइरहेका ६ जनालाई जिल्ला प्रहरी परिसर काठमाडौंको टोलीले पक्राउ गरेको हो ।
पक्राउ पर्नेमा दोलखाको जिरीका २३ वर्षीय मोहन सुनुवार, कालिकोटका गोपाल शाही, सुर्खेतका मनोज शर्मा, दैलेखका आकाश खड्का, सुुर्खेतका उमेश शर्मा र जुम्लाका मीन रावल छन् ।
उनीहरुलाई काठमाडौं जिल्ला अदालतबाट पाँचको म्याद थप गरी अनुसन्धान भइरहेको जिल्ला प्रहरी परिसर काठमाडौंले जनाएको छ ।
