काठमाडौं । नेकपा माओवादी केन्द्रले शिक्षकहरुको माग सम्बोधन गर्नका लागि संसदमा दर्ता भएको जरुरी सार्वजनिक महत्वको प्रस्तावमाथि छलफलका निम्ति ‘रुलिङ’को माग गरेको छ ।
मंगलबारको प्रतिनिधिसभा बैठकमा नेकपा माओवादी केन्द्रका प्रमुख सचेतक हितराज पाण्डेले विपक्षी दलले दर्ता गराएको प्रस्ताव कार्यसूचीमा नराखिएको भन्दै आपत्ति जनाएका हुन् ।
पाण्डेले सरकार संसद् र आन्दोलन र अन्य मागबारे जवाफदेही नभएको बताए । उनले विद्यार्थीका परीक्षा अघि बढाउनुपर्ने बताए । पाण्डे प्रस्तावक रहेको प्रस्ताव सोमबार संसद सचिवालयमा दर्ता गरिएको थियो ।
