काठमाडौं । भारतले सुरु गरेको ‘अपरेशन सिन्दूर’विरुद्ध पाकिस्तानले जवाफी कारबाही सुरु गरेको घोषणा गरेको छ । पाकिस्तानले अपरेशन ‘बुनयान–अन–मार्सूस’ घोषणा गरेको हो । पाकिस्तानले भारतलाई आफ्नो लडाई प्रतिक्रिया सुरु गरेको र प्रमुख सैन्य प्रतिष्ठानहरूलाई निशाना बनाउने घोषणा गरेको छ ।
पीपीपी सिनेटर शेरी रहमानले पाकिस्तानी सेनाले भारतीय आक्रमणको विरुद्धमा आफ्नो प्रतिआक्रमण सुरु गरेको सरकारी प्रसारक पीटीभी न्यूजले सुरक्षा स्रोतहरूलाई उदृत गर्दै जनाएको छ ।
‘यी कारबाहीहरू भारतको प्रारम्भिक आक्रमणको प्रतिक्रियामा गरिएका छन्, जुन हाम्रो मातृभूमि, जनता र सार्वभौमसत्तामाथिको आक्रमण थियो’ विज्ञप्तिमा आज राति पाकिस्तानी वायुसेनाको तीन एयरबेसमा भारतीय क्षेप्यास्त्र आक्रमणलाई उल्लेख गर्दै भनिएको छ।
