• Sat. Oct 31st, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कोरोना संक्रमण भएपछि भारतका पूर्व राष्ट्रपति मुखर्जी भेन्टिलेटरमा

ByHT

Aug 11, 2020
Spread the love

कोरोनाभाइरस सङ्क्रमण भएपछि भारतका पूर्वराष्ट्रपति प्रणब मुखर्जीको सघन उपचार कक्षमा भेन्टिलेटरमा राखेर उपचार भइरहेको छ । ८४ वर्षीय मुखर्जीलाई कोभिड १९ पुष्टि भएको भोलिपल्ट मङ्गलवार सघन उपचार कक्षमा सारिएको बताइएको छ । अस्पतालमा मस्तिष्कमा रगत जमेर बनेको सानो टुक्रा हटाउन शल्यक्रियाका लागि पुगेका मुखर्जीमा कोरोनाभाइरस सङ्क्रमण देखिएको थियो ।

स्थानीय सञ्चारमाध्यमहरूले अस्पतालले उनको अवस्था गम्भीर रहेको र आगामी केही घण्टा महत्वपूर्ण हुने बताएको उल्लेख गरेका छन् । उनी सन् २०१२ देखि २०१७ सम्म भारतका राष्ट्रपति थिए । राष्ट्रपति हुनुअघि मुखर्जी भारतका अर्थमन्त्री, रक्षामन्त्री र परराष्ट्रमन्त्रीजस्ता महत्त्वपूर्ण पदमा रहेर काम गरेका थिए । उनले अन्तर्राष्ट्रिय मुद्रा कोष र विश्व बैंकको बोर्डमा पनि काम गरेका थिए ।

कोरोनाभाइरस सङ्क्रमण सङ्ख्यामा भारतमा विश्वमै तेस्रो स्थानमा रहेको छ । मृत्युदर अन्यत्रभन्दा कम भए पनि सङ्क्रमणको तीव्र वृद्धिदरले विज्ञहरू चिन्तित देखिएका छन् । भारतमा २० दिनमा सङ्क्रमण १० लाखबाट दोबर हुँदै २० लाख भएको थियो । विगत २४ घण्टामा त्यहाँ झन्डै ६४ हजार सङ्क्रमित थपिएर कुल सङ्ख्या २३ लाख नजिक पुगेको छ ।

HT

Leave a Reply

Your email address will not be published. Required fields are marked *