सहुलियत मूल्य पसलमा स्पष्ट लेवलिङ नभएका खाद्य बस्तु बिक्री

Spread the love

काठमाडौं । नेपाल सरकारको स्वामित्वमा रहेको खाद्य व्यवस्था तथा व्यापार कम्पनीले सञ्चालन गरेको सहुलियत मूल्य पसलमा स्पष्ट लेवलिङ नभएका खाद्य बस्तुहरु बिक्री वितरण भइरहेको पाइएको छ ।

आइतबार काठमाडौं महानगरपालिकाको उपभोक्ता हित संरक्षण समितिको अनुगमन टोलीले कम्पनीको अनुगमन गर्दा अधिकांश खाद्य बस्तुमा उत्पादन मिति र लेवलिङ नै नभेटिएको पाइएको हो ।

उपभोक्ता संरक्षण ऐन २०७५ ले हरेक बस्तुको उत्पादन मिति, एमआरपी लगायत स्पष्ट देखिने गरि राखिनुपर्नेमा त्यस्तो नपाइएको अनुगमन टोलीका सदस्य उपभोक्ता अधिकारकर्मी माधव तिमिल्सिनाले जानकारी दिए । अनुगमनका क्रममा जापान सरकारले अनुदानमा दिएको २०१८ मा बनेको जापानी चामल अझै पनि बिक्रि बितरण भइरहेको पाइएको उनले बताए ।

त्यस्तै दाल फापर लगायतका बस्तुमा पनि लेवलिङ नभएको पाइएको उनले जानकारी दिए । उनले कम्पनीलाई आवश्यक कारवाहीका लागि सिफारिस गरिने बताए ।

त्यस्तै सहुलियत मूल्य पसलमा चिनी लगायतका वस्तुको अभाव भएको र खरिद गर्न आएका उपभोक्ताहरु फर्किनुपरेको पाइएको पनि अनुगमन टोलीले जनाएको छ ।

HT

Leave a Reply

Your email address will not be published. Required fields are marked *

Next Post

२०७७ आश्विन २५, आईतवार १२:०९
Spread the loveकाठमाडौं । यसवर्षको दशैँमा नयाँ नोट वितरण नहुने भएको छ । नेपाल राष्ट्र बैंकले आइतबार सूचना जारी गरी कोरोना भाइरसको महामारीका कारण यसवर्ष चाडबाडमा नयाँ नोट वितरण नहुने जनाएको हो । नयाँ नोट सटहीका क्रममा भिडभाड हुन सक्ने र कोरोना सङ्क्रमणको जोखिम रहेकाले नोट वितरण नगर्ने निर्णय भएको […]