नक्कली पीसीआर रिपोर्ट बोकेर विदेश उड्न लागेका आशंका ११२ यात्रु विमानस्थलबाट फिर्ता

Spread the love

काठमाडौं । नक्कली पीसीआर रिपोर्टको आशंका त्रिभुवन अन्तर्राष्ट्रिय विमानस्थलबाट विदेश उड्न लागेका १२२ जनालाई अध्यागमनले फर्काइदिएको छ ।

कोरोनाको पीसीआर रिपोर्ट नक्कली भएको हुनसक्ने आशंकामा अध्यागमनले १२२ जनालाई विदेश उड्नबाट रोक लगाएको हो । त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख राजेशनाथ बास्तोलाले राजधानीको सिनामंगलस्थित सुरिया हेल्थ केयरले जारी गरेको पीसीआर रिपोर्ट देखाएर विभिन्न देश जान लागेकाहरूलाई उडानमा रोक लगाइएको जानकारी दिएका छन् ।

मंगलबार मात्रै प्रहरीले सुरिया हेल्थ केयरमा प्रहरीले छापा मारी नक्कली पीसीआर रिपोर्ट जारी गरेको आरोपमा संचालक सहित आठ जनालाई पक्राउ गरेको थियो । सो हेल्थ केयरमाथि कोरोनाको जाँचै नगरी कोरोना नेगेटिभको नक्कली पीसीआर रिपोर्ट बनाउने गरेको आरोप लागेको छ ।

प्रहरीेले सो हेल्थ केयरबाट नेगेटिभ नतिजा उल्लेखित ४ वटा नक्कली पीसीआर रिपोर्ट पनि प्रहरीले बरामद गरेको थियो । प्रहरीले प्रकाश रायमाझी भन्ने चित्र बहादुर रायमाझी, प्रमोद कुमार यादव, प्रदीप कुमार गिरी, अमन कुमार यादव, वजेश पोख्रेल, बादल मिरिङ छिङ, सरोज क्षेत्री र डा.खेलानन्द प्रसाद सिंहलाई पक्राउ गरी अनुसन्धान गरिरहेको छ ।

नक्कली पीसीआर रिपोर्ट तयार गर्ने गरेको उजुरीपछि केही दिनयता ल्याबमाथि अनुसन्धान भइरहेको र प्रमाण फेला परेपछि उनीहरुलाई पक्राउ गरिएको महाशाखाले जनाएको छ

 

HT

Leave a Reply

Your email address will not be published. Required fields are marked *

Next Post

यादवलाई कांग्रेस केन्द्रीय निर्वाचन समिति संयोजकको जिम्मेवारी

२०७८ बैशाख ८, बुधबार १३:३१
Spread the loveकाठमाडौं । नेपाली कांग्रेसले केन्द्रीय निर्वाचन समितिको संयोजकको जिम्मेवारी महादेवप्रसाद यादवलाई दिएको छ । बुधबार बिहान पार्टी सभापति शेरबहादुर देउवाको निवास बुढानिलकण्ठमा बसेको पदाधिकारी बैठकले यादवलाई समिति संयोजक तोक्ने निर्णय गरेको हो । कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार बैठकले समिति संयोजक नियुक्ति गर्ने निर्णय गरेको छ […]